Trending:

Marathi Cinema: प्राजक्ता माळीचा नवा सिनेमा, फर्स्ट लूक आला समोर, पुन्हा एकत्र दिसणार 'मितवा'ची जोडी!

Published by:Sayali Zarad

Last Updated:December 31, 2024 1:17 PM IST

First look of Chiki Chiki Booboom Boom: नवं वर्ष सुरु होतंय आणि या नवीन वर्षात अनेक नवेकोरे सिनेमे प्रेक्षकांच्या भेटीसाठी सज्ज आहेत. अशातच आता आणखी एक मराठी सिनेमा प्रेक्षकाना हसवायला येणार आहे. या सिनेमात प्राजक्ता माळी, स्वप्निल जोशी, प्रार्थना बेहेरे आणि हास्यजत्रेची टीम असणार आहे.

इम्पॅक्ट शॉटतुमचा गेटवे लेटेस्ट न्यूज

प्राजक्ता माळीच्या नव्या सिनेमाचा फर्स्ट लूक आला समोर, पुन्हा एकत्र दिसणार 'मितवा'ची जोडी!

मुंबई : नवं वर्ष सुरु होतंय आणि या नवीन वर्षात अनेक नवेकोरे सिनेमे प्रेक्षकांच्या भेटीसाठी सज्ज आहेत. अशातच आता आणखी एक मराठी सिनेमा प्रेक्षकाना हसवायला येणार आहे. या सिनेमात प्राजक्ता माळी, स्वप्निल जोशी, प्रार्थना बेहेरे आणि हास्यजत्रेची टीम असणार आहे. या आगामी सिनेमाची पहिली झलक वर्षाखेरीस शेअर केली आहे. पोस्टरची पहिली वहिली झलक प्रेक्षकांची उत्सुकता वाढवत आहे.

सगळीकडे नववर्षाच्या उत्साहाचे वातावरण असताना स्वप्नील जोशी, प्रार्थना बेहरे, प्राजक्ता माळी, प्रसाद महादेव खांडेकर, रोहित माने, प्रथमेश शिवलकर, वनिता खरात ही नामवंत कलाकार मंडळी 'चिकी चिकी बुबूम बुम' म्हणत आपल्याला हसवायला सज्ज झाले आहेत.

Prajakta Mali Networth: फार्महाऊस, दागिन्यांचा ब्रॅंड आणि बरंच काही..., प्राजक्ता माळीची एकूण संपत्ती किती?

या चित्रपटाचे गमतीशीर पोस्टर प्रदर्शित झाले असून यात स्वप्नीलचा हटके लूक दिसतोय तर बाकीचे कलाकार घाबरलेल्या आणि गोंधळलेल्या अवस्थेत दिसतायेत. त्यामुळे ही भानगड काय आहे? याची उत्सुकता ताणली आहे. चित्रपटसृष्टीतील कसलेल्या कलाकारांची भली मोठी फौज आणि धमाल मनोरंजनाची ट्रीट देणारा ‘चिकी चिकी बुबूम बुम’ चित्रपट येत्या 28 फेब्रुवारीला प्रेक्षकांच्या मनोरंजनासाठी सज्ज होणार आहे.

'चिकी चिकी बुबूम बुम' चित्रपटाचे निर्माते सुनील नारकर असून सहनिर्माते सेजल दिपक पेंटर आणि प्रसाद महादेव खांडेकर आहेत. चित्रपटाचे लेखन प्रथमेश शिवलकर, प्रसाद महादेव खांडेकर यांचे आहे. छायांकन गणेश उतेकर यांचे तर संगीत रोहन रोहन यांचे आहे.

View this post on Instagram

A post shared by स्वप्नील जोशी (@swwapnil_joshi)

चित्रपटाची कथा अजून गुलदस्त्यात असली तरी, भन्नाट कलाकार मंडळींच्या एकत्र येण्याने हास्याचे जबरदस्त स्फोट घडतील हे नक्की. नारकर फिल्म्स अँड एंटरटेनमेंट निर्मित, आयडियाज द एंटरटेनमेंट कंपनी प्रस्तुत आणि स्वर्ण पट कथा आणि प्रजाकार प्रोडक्शन्स यांच्या सहयोगाने येणाऱ्या ‘चिकी चिकी बुबूम बुम’ चित्रपटाचे दिग्दर्शन प्रसाद महादेव खांडेकर यांचे आहे.

view comments

Location :

Mumbai,Maharashtra

First Published :

December 31, 2024 1:17 PM IST

Marathi Cinema: प्राजक्ता माळीचा नवा सिनेमा, फर्स्ट लूक आला समोर, पुन्हा एकत्र दिसणार 'मितवा'ची जोडी!