Trending:

pushpa 2 premiere stampede case : घटनेच्या 33 दिवसांनी अल्लू अर्जुन जखमी मुलाच्या भेटीला, हॉस्पिटलबाहेर कडक सुरक्षा, VIDEO

Published by:Minal Gurav

Last Updated:January 07, 2025 1:00 PM IST

घटना घडल्याच्या 33 दिवसांनी अल्लू अर्जुनने त्या मुलाची प्रत्यक्षात जाऊन भेट घेतली आहे. मुलाची प्रकृती जाणून घेण्यासाठी अभिनेता मंगळवारी गुंपेट येथील KIMS हॉस्पिटलमध्ये पोहोचला.

मुंबई : अभिनेता अल्लू अर्जुन पुष्पा 2 सिनेमाच्या प्रीमियरपासून वादाच्या भोवऱ्यात अडकला आहे. अल्लू अर्जुनच्या करिअरमधील हा सर्वात मोठा ब्लॉकबस्टर सिनेमा होता मात्र सिनेमा रिलीज झाल्यापासून अल्लू अर्जुन वादात सापडता आला आहे. दरम्यान प्रीमियरला झालेल्या चेंगराचेंगरीत एका महिलेचा मृत्यू झाला तर त्या महिलेचा मुलगा जखमी झाला होता. घटना घडल्याच्या 33 दिवसांनी अल्लू अर्जुनने त्या मुलाची प्रत्यक्षात जाऊन भेट घेतली आहे. मुलाची प्रकृती जाणून घेण्यासाठी अभिनेता मंगळवारी गुंपेट येथील KIMS हॉस्पिटलमध्ये पोहोचला.

अल्लू अर्जुनचा चित्रपट पुष्पा 2 प्रदर्शित होण्यापूर्वी संध्या चित्रपटगृहाबाहेर चेंगराचेंगरी झाली होती. ज्यामध्ये एका महिलेचा मृत्यू झाला असून तिचा मुलगा अजूनही रुग्णालयात आहे. अल्लू अर्जुनने जखमी मुलाबद्दल चिंता व्यक्त केली, जो घटनेनंतर अनेक आठवडे व्हेंटिलेटरवर होता. एएनआयच्या वृत्तानुसार, अल्लू अर्जुन जेव्हा रुग्णालयात पोहोचला तेव्हा त्याच्यासाठी कडेकोट सुरक्षा व्यवस्था करण्यात आली होती. या अभिनेत्याचा व्हिडिओ सोशल मीडियावर व्हायरल होत आहे.

( Pushpa 2 Stampede Case : अल्लू अर्जुनसमोर आता नवी अडचण; जामीन मिळाला पण 'सुटका' नाही, पोलिसांचा मोठा निर्णय )

24 डिसेंबर 2024 पर्यंत श्रेतेजाच्या तब्येतीत सुधारणा होण्याची चिन्हे दिसू लागली आणि 20 दिवस बेशुद्ध राहिल्यानंतर त्यांनी प्रथमच प्रतिसाद देण्यास सुरुवात केली. श्री तेजाचे वडील भास्कर यांनी अल्लू अर्जुनचे आभार मानले, "मुलगा 20 दिवसांनी प्रतिसाद देत आहे. तो आज प्रतिसाद देत आहे. अल्लू अर्जुन आणि तेलंगणा सरकार आम्हाला पाठिंबा देत आहे."

Allu Arjun Finally Visits Injured Boy At Hyderabad Hospital A Month After Pushpa 2 Stampede#AlluArjun #Pushpa2 #SandhyaTheatreTragedy https://t.co/guUGL579dl pic.twitter.com/LhQvRW8Qk2

— News18 (@CNNnews18) January 7, 2025

श्री तेजा यांना भेटण्याव्यतिरिक्त अल्लू अर्जुनने त्यांचे कायदेशीर कर्तव्यही पार पाडले. 5 जानेवारी 2025 रोजी अल्लू अर्जुनने नामपल्ली कोर्टाने ठरवून दिलेल्या अटींचे पालन करून चिक्कडपल्ली पोलिस स्टेशनला भेट दिली. या घटनेनंतर त्यांना नियमित जामीन मंजूर करण्यात आला होता, मात्र न्यायालयाने काही अटी घातल्या होत्या, ज्यात पोलीस ठाण्यात हजर राहण्याचा समावेश होता.

Location :

Mumbai,Maharashtra

First Published :

January 07, 2025 1:00 PM IST

pushpa 2 premiere stampede case : घटनेच्या 33 दिवसांनी अल्लू अर्जुन जखमी मुलाच्या भेटीला, हॉस्पिटलबाहेर कडक सुरक्षा, VIDEO