Saif Ali Khan : दारू, जिम सगळंच बंद, डिस्चार्ज देण्याआधी सैफ अली खानला डॉक्टरांनी कोणत्या गोष्टींपासून अडवलं?
- Published by:Pratiksha Pednekar
Last Updated:
Saif Ali Khan Got Discharge : सैफला डॉक्टरांनी रुग्णालयातून डिस्चार्ज दिला असला तरी त्याला पूर्णपणे तंदुरुस्त व्हायला वेळ लागेल.
Saif Ali Khan Got Discharge : बॉलिवूड अभिनेता सैफ अली खानला आज 21 जानेवारीला रुग्णालयातून डिस्चार्ज देण्यात आला आहे. 16 जानेवारी रोजी अभिनेत्यावर एका चोराने चाकूने हल्ला केला होता. त्यानंतर जखमी सैफला मुंबईतील लीलावती रुग्णालयात दाखल करण्यात आले. त्याच्यावर शस्त्रक्रिया करण्यात आली. दरम्यान, सैफला डॉक्टरांनी रुग्णालयातून डिस्चार्ज दिला असला तरी त्याला पूर्णपणे तंदुरुस्त व्हायला वेळ लागेल. सैफच्या घराची सुरक्षा वाढवण्यात आली असली तरी तो लवकरच संपूर्ण कुटुंबासह या घरातून शिफ्ट होणार असल्याचेही बोलले जात आहे.
डॉक्टरांच्या म्हणण्यानुसार, सैफ अली खानला रुग्णालयातून डिस्चार्ज मिळाला असला तरी सध्या त्याला विश्रांतीची नितांत गरज आहे. डॉक्टरांनी सांगितले की सैफला चालणे आणि बोलणे शक्य असले तरी त्याला पूर्णपणे बरे होण्यासाठी कमीतकमी 30 दिवस म्हणजे एक महिना लागेल. वास्तविक, त्याच्या पाठीतून चाकूचा 2.5 इंच तुकडा काढण्यात आला. त्या भागावर कॉस्मेटिक शस्त्रक्रिया करण्यात आली आहे, जी बरी होण्यासाठी एक महिना लागेल.
advertisement
डॉक्टरांनी त्यांना घरी जाऊन लवकर बरे होण्याच्या सूचना दिल्या आहेत. डॉक्टरांनी सैफला वजन उचलण्यास, जिम आणि शूटिंग करण्यास सक्त मनाई केली आहे आणि त्याला पूर्ण विश्रांती घेण्याचा सल्ला दिला आहे. याचा अर्थ असा की जोपर्यंत तो बरा होत नाही तोपर्यंत सैफ ना मद्यपान करू शकणार नाही आणि चित्रपटाचे शूटिंगही करू शकणार नाही. सैफला वेळेवर औषधे घ्यावी लागतील आणि काही दिवसांत त्याची जखम किती बरी झाली आहे हे जनरल सर्जरी फिजिशियनला दाखवावे लागेल.
advertisement
सैफ अली त्याच्या कुटुंबासह दुसऱ्या घरात शिफ्ट झाल्याची चर्चा आहे. आयएएनएसने दिलेल्या वृत्तानुसार, तैमूर आणि जेहची खेळणी आणि सामान रात्री सद्गुरु शरण अपार्टमेंटमधून फॉर्च्यून हाइट्समध्ये नेण्यात आले. मात्र, सैफ अली खान, करीना किंवा त्यांच्या कुटुंबीयांकडून या बातमीला दुजोरा देण्यात आलेला नाही. सैफ अलीचे आलिशान अपार्टमेंट टर्नर रोड, फॉर्च्यून हाइट्स, मुंबई येथे आहे.
Location :
Mumbai,Maharashtra
First Published :
Jan 21, 2025 4:02 PM IST
मराठी बातम्या/मनोरंजन/
Saif Ali Khan : दारू, जिम सगळंच बंद, डिस्चार्ज देण्याआधी सैफ अली खानला डॉक्टरांनी कोणत्या गोष्टींपासून अडवलं?
