शशांक केतकर हरवलाय! मुंबई-दिल्लीत लागले पोस्टर, नेमका गेला कुठे? VIDEO
- Published by:Minal Gurav
Last Updated:
अनेक मराठी कलाकार अभिनेता शशांक केतकरला मुंबई, दिल्लीत गल्लोगल्ली शोधत आहेत. शशांक केतकर मिसिंग असे पोस्टरही मुंबईत लावण्यात आले आहे.
अभिनेता शशांक केतकर सध्या मुरांबा मालिकेतून प्रेक्षकांच्या भेटीला येत आहे. मालिका उत्तम सुरू असताना एक व्हिडीओ समोर आला आहे ज्यात अभिनेता शशांक केतकर हरवला आहे असं दिसत आहे. अनेक मराठी कलाकार त्याला मुंबई, दिल्लीत गल्लोगल्ली शोधत आहेत. शशांक केतकर मिसिंग असे पोस्टरही मुंबईत लावण्यात आले आहे. हा व्हिडीओ पाहून नेमकं काय घडतंय असा प्रश्न चाहत्यांना पडला आहे.
अभिनेत्री सायली संजीव आणि सिद्धार्थ जाधवचा व्हिडीओ समोर आला आहे. सायली सायकल घेऊन शशांक केतकर हरवला आहे असं पोस्टर घेऊन मुंबईच्या छत्रपती शिवाजी महाराज पार्कमध्ये फिरताना दिसली. तिने अनेक ठिकाणी शशांक केतकरचा फोटो आणि त्यावर मिसिंग असं लिहिलेले पोस्टर लावले आहेत.
advertisement
तर अभिनेता सिद्धार्थ जाधव तर शशांकला दिल्ली एअरपोर्टवर शोधताना दिसला. त्याच्याही हातात सेम पोस्टर पाहायला मिळालं. इंडिया गेटवरील सिद्धार्थ शशांक केतकरचं मिसिंग पोस्टर घेऊन फिरताना दिसला.
अभिनेता शशांक केतकर नेमका कुठे गायब झाला? रस्त्यावर फिरताना हातात मिसिंग पोस्टर घेऊन अभिनेता सिद्धार्थ जाधव शशांकचा शोध घेताना दिसतोय. या अनोख्या प्रकारामुळे प्रेक्षकांची उत्सुकता शिगेला पोहोचली आहे. अचानक शशांक गायब होण्यामागचं खरं रहस्य नक्की काय आहे, याची चर्चा आता सोशल मीडियावर जोरात सुरू आहे.
advertisement
शशांक केतकर नक्की कुठे गेला आहे हे येत्या 12 डिसेंबरला कळणार आहे. शशांक केतकर हा हरवला असून हे त्याच्या कैरी या नव्या सिनेमाचं प्रमोशन आहे. 'कैरी' हा नॅशनल अवॉर्ड विजेते दिग्दर्शक शंतनू गणेश रोडे यांचा रोमँटिक थ्रिलर सिनेमा आहे. हा सिनेमा 12 डिसेंबरला रिलीज होणार आहे. या सिनेमात अभिनेता शशांक केतकर, सायली संजीवसह सुबोध भावे, सिद्धार्थ जाधव, अरुण नलावडे आणि सुलभा आर्या यांसारखे दिग्गज कलाकार प्रमुख भूमिकेत आहेत.
advertisement
अभिनेता सायली संजीव आणि शशांक केतकर यांची जोडी मोठ्या पडद्यावर दिसणार आहे. दोघांची सिनेमात रोमँटीक केमिस्ट्री पाहायला मिळणार आहे. एकमेकांच्या प्रेमात हरवलेलं हे कपल आणि त्यांच्या संसाराच्या सुरुवातीचा गोड प्रवास 'नारळी पोफळीच्या बागा'मधून खुलतो. सिनेमातील त्यांचं हे रोमँटीक गाणं देखील प्रेक्षकांच्या भेटीला आलं आहे.
view commentsLocation :
Mumbai,Maharashtra
First Published :
November 29, 2025 9:03 AM IST


