'सोढी'च्या वडिलांकडे ५५ कोटींची प्रॉपर्टी, तरीही मुलाला रुपयाही दिला नाही, कर्जाखाली पूर्णपणे बुडाला अभिनेता
- Published by:Pratiksha Pednekar
Last Updated:
गुरुचरणच्या वडिलांकडे ५५ कोटींची संपत्ती असूनही ते काहीच करत नसल्याचा दावा त्याच्या जवळच्या मैत्रिणीने केला आहे.
‘तारक मेहता का उल्टा चष्मा’ फेम गुरुचरण सिंग रुग्णालयात दाखल आहेत. तो कर्जात बुडाला आहे. गुरुचरण यांना दीड कोटी रुपयांचे कर्ज फेडायचे आहे, असा खुलासा त्यांची जवळची मैत्रीण भक्ती सोनी यांनी केला आहे. या कठीण काळात गुरुचरण यांचे कुटुंबही त्यांना मदत करत नसल्याचा दावाही त्यांनी केला. तसेच त्याचे मित्र किंवा जवळचे कोणीही त्याला मदत करत नाहीत. गुरुचरणच्या वडिलांकडे ५५ कोटींची संपत्ती असूनही ते काहीच करत नसल्याचा दावा त्यांनी केला.
भक्ती सोनी यांनी ETimes ला दिलेल्या मुलाखतीत सांगितले की, “गुरुचरण सिंगवर सुमारे 1.2 कोटी रुपयांचे कर्ज आहे. त्याच्या वडिलांकडे ५५ कोटींची मालमत्ता आहे. दुर्दैवाने, भाडेकरू मालमत्ता रिकामी करत नाहीत. यावरून वाद सुरू आहे. जर प्रकरण मिटले आणि मालमत्ता विकली गेली तर तो त्याचे कर्ज फेडण्यास सक्षम असेल.”
advertisement
भक्ती सोनी यांनी दावा केला, “गुरुचरणने त्याची सर्व बचत संपवली आहे. जेव्हा त्याला सर्वात जास्त आधारची गरज असते तेव्हा त्याच्या कुटुंबीयांसह कोणीही त्याला मदत करत नाही. माझ्यासारखे मित्र आणि दिल्लीतील मित्रच त्याला आर्थिक पाठबळ देत आहेत.”
जुलै २०२४ मध्ये गुरुचरण सिंह आर्थिक संकटाचा सामना करण्याबाबत बोलला होता. काही दिवसांपूर्वी तो अचानक गायब झाला. त्यानंतर बॉम्बे टाईम्सशी बोलताना त्याने सांगितले की २०२० मध्ये कोरोनाव्हायरस साथीच्या आजाराच्या वेळी त्याने मुंबई सोडली होती आणि स्वतःचा व्यवसाय सुरू करण्याचा निर्णय घेतला होता. मात्र, अनेक कारणांमुळे ते काम झाले नाही. त्यामुळे त्याला आर्थिक संकटाचा सामना करावा लागला.
Location :
Mumbai,Maharashtra
First Published :
Jan 11, 2025 5:56 PM IST
मराठी बातम्या/मनोरंजन/
'सोढी'च्या वडिलांकडे ५५ कोटींची प्रॉपर्टी, तरीही मुलाला रुपयाही दिला नाही, कर्जाखाली पूर्णपणे बुडाला अभिनेता
