KBC : घर 'रामायण',भाऊ 'लव-कुश', तरीही रामायणाच्या 'या' सोप्या प्रश्नाचं उत्तर देऊ शकली नाही सोनाक्षी सिन्हा

KBC Ramayana Question : आज विजयादशमी आहे. विजयादशमी म्हणजे वाईटावर चांगल्याचा विजय तसेच धर्माचे अधर्मावर विजय यांचे प्रतीक. वाईट प्रवृत्तींवर विजय मिळवण्याचा आजचा दिवस. देशभरात रावण दहनासोबत रामलीला संपते आणि लोक श्रीरामांचे आदर्श आठवतात. लहान मुलांपासून ते वृद्धांपर्यंत प्रत्येकजण हा दिवस मोठ्या उत्साहाने साजरा करतो. आज विजयादशमीला बॉलिवूड अभिनेत्री सोनाक्षी सिन्हाचा केबीसीच्या मंचावरील एक व्हिडीओ चांगलाच व्हायरल होत आहे. या व्हिडीओमध्ये सोनाक्षीला 'रामायणा'संबंधित एक प्रश्न विचारण्यात आल्याचं दिसत आहे. पण अभिनेत्रीला या साध्या प्रश्नाचंही उत्तर देता आलेलं नाही.