Pragathi Shetty : कोण आहे ऋषभ शेट्टीची पत्नी? Kantara Chapter 1 मध्ये महत्त्वाच्या भूमिकेत, तुम्ही ओळखलं का?

जिथे ऋषभ शेट्टीने चित्रपटाचे एकूण दिग्दर्शन सांभाळले, तिथे प्रगतीने कॉस्च्युम डिझायनर म्हणून काम केले. तिनेच या कथेला दृश्यात्मक आत्मा दिला. साधे मातीचे कपडे असोत किंवा चित्रपटातील पौराणिक पात्रांचे शाही पोशाख, प्रगतीच्या कलात्मक इनपुटमुळे प्रत्येक फ्रेममध्ये वास्तवता आणि अस्सलपणा दिसतो.

पण तुम्हाला हे माहीत आहे का, की प्रगती फक्त पडद्यामागेच नव्हती, तर ती पडद्यावरही दिसली? 'कांतारा चॅप्टर १' प्रदर्शित झाल्यावर, चाहत्यांनी प्रगतीला चित्रपटाच्या पहिल्या भागात रथाच्या सीनमध्ये क्षणभरासाठी पाहिले. २०२० मध्ये आलेल्या 'कांतारा'मध्येही तिने राजाच्या पत्नीची छोटी भूमिका साकारली होती. विशेष म्हणजे, 'चॅप्टर १' मध्ये त्यांचा मुलगा रणवित यानेही पालकांसोबत स्क्रीन शेअर केली आहे.

हॉलिवूड रिपोर्टर इंडियाला दिलेल्या एका मुलाखतीत ऋषभ शेट्टीने आपल्या यशात पत्नीच्या भूमिकेबद्दल खूप आपुलकीने सांगितले. तो म्हणाला, "प्रगती माझा खूप मोठा आधार आहे. मी जेव्हा जेव्हा शूटिंगसाठी बाहेर जायचो, तेव्हा तिची प्रार्थना सुरू व्हायची. जर माझी पत्नी प्रगती नसती, तर मी हा चित्रपट पूर्ण करू शकलो नसतो."

चित्रपटसृष्टीत 'पॉवर कपल' म्हणून ओळखले जाणारे ऋषभ आणि प्रगती त्यांचं करिअर आणि कुटुंब यांचा समतोल साधत एकत्र काम करत आहेत.

ऋषभ आणि प्रगतीची प्रेमकथा एखाद्या चित्रपटाच्या स्क्रिप्टसारखीच आहे. त्यांची पहिली भेट एका चित्रपट कार्यक्रमात झाली आणि काही आठवड्यांनंतर त्यांची फेसबुकवर पुन्हा ओळख झाली. मैत्रीचे रूपांतर हळूहळू प्रेमात झाले. सुरुवातीला, जेव्हा ऋषभ चित्रपटात यशस्वी नव्हता, तेव्हा प्रगतीच्या पालकांनी या नात्याला विरोध केला. पण दोघांच्या प्रेमापुढे त्यांचे प्रेम आणि दृढनिश्चय जिंकला आणि २०१७ मध्ये त्यांनी लग्नगाठ बांधली.