प्रसिद्ध टीव्ही स्टारचा 26 व्या वर्षी मृत्यू; घरात संशयास्पद अवस्थेत आढळला मृतदेह

मुंबई : मनोरंजनविश्वातून एक खळबळजनक माहिती समोर आली आहे. प्रसिद्ध टीव्ही स्टार हॅरी सॅवेज याचा संशयास्पद परिस्थितीत मृत्यू झाला आहे. तो लंडनच्या घरात मृतावस्थेत आढळून आला. हॅरी सॅवेज याला 2019 मध्ये त्याला 'हंटेड' या रिॲलिटी शोमधून वेगळी ओळख मिळाली. पोलिसांनी दिलेल्या माहितीनुसार, या प्रकरणाची माहिती मिळाल्यानंतर अभिनेत्याचं लंडनमधील पुटनी येथील घर सील करण्यात आलं आहे. या अभिनेत्याच्या मृतदेहाचं पोस्टमार्टम करण्यात आलं असून त्याचा अहवाल अद्याप समोर आलेला नाही. त्याच्या पोस्टमार्टम रिपोर्टनंतरच त्याच्या मृत्यूचं खरं कारण स्पष्ट होईल. हॅरी फक्त 26 वर्षांचा होता. इतक्या कमी वयात झालेल्या त्याच्या मृत्यूनं हळहळ व्यक्त केली जातेय.