Chhaava Movie: रात्री 1 वाजता विक्की कौशलला भरली धडकी, 'छावा'चा 'तो' व्हिडीओ पाहण्याआधी देवासमोरच ठेवला मोबाईल

विक्की कौशलने ABP न्यूजला दिलेल्या मुलाखतीमध्ये 'छावा'चा ट्रेलर रिलीज झाला तेव्हा त्याने कोणाला दाखवला आणि त्याची रिअॅक्शन काय होती? याविषयी खुलासा केला. विक्कीने सांगितलं, "जेव्हा ट्रेलर रिलीज झाला त्याच्या आदल्या रात्री 1 वाजताच्या दरम्यान ट्रेलर मला पाठवण्यात आला होता. मी एवढा घाबरलो होतो की, ट्रेलर कसा आहे, काय आहे? कारण एवढी मेहनत केली होती. पहिल्यांदा मी गेलो आणि मोबाईल देवासमोर मंदिरात ठेवला आणि मग मी प्ले केला. मी म्हणाले देवा सांभाळून घे..खूप मेहनत केलीय. मला काय माहिती नाही कसा आहे ट्रेलर प्लीज तेवढं बघून घ्या. मी संपूर्ण ट्रेलर मोबाईल मंदिरात ठेवूनच पाहिला."