समुद्राच्या तळाशी सापडले नवं जग! 6 km खोल आढळले तब्बल 7500 जीव, वैज्ञानिक झाले चकित

समुद्राच्या इतक्या खोलीवर जीवन जगणं खूप कठीण आहे. तापमान जवळपास गोठणबिंदूच्या जवळ असतं. पाण्याचा दाब प्रचंड असतो. खायला पोषक घटक खूप कमी असतात. पण तरीही शास्त्रज्ञांना इथे 7500 पेक्षा जास्त प्रकारचे सूक्ष्मजीव सापडले, ज्यातले 90% पूर्णपणे नवीन होते! चिनी शास्त्रज्ञांनी या खोलीवर 33 वेळा पाणबुडीने प्रवास केला. यासाठी माणसाने चालवलेली पाणबुडी वापरली गेली. त्यांनी तिथून माती आणि समुद्राच्या पाण्याचे नमुने घेतले. मग या नमुन्यांचं बारकाईने विश्लेषण केलं. आणि आलेले निकाल धक्कादायक होते.

शास्त्रज्ञांना असं आढळलं की या सूक्ष्मजीवांकडे जगण्यासाठी दोन मुख्य मार्ग आहेत:

या संशोधनात आणखी एक मनोरंजक गोष्ट समोर आली, ती म्हणजे समुद्राच्या खोलीत वेगवेगळ्या ठिकाणी वेगवेगळ्या प्रकारचे सूक्ष्मजीव राहतात. ते छोट्या-छोट्या ठिकाणी स्थायिक होतात आणि तिथल्या परिस्थितीनुसार स्वतःला बदलतात. खोली जितकी जास्त, तितकं सूक्ष्मजीवांना एकमेकांना मदत करणं महत्त्वाचं होतं. ते एकमेकांसोबत पोषक घटक वाटून घेतात आणि स्वतःचं संरक्षण करण्यासाठी बायोफिल्म तयार करतात.

शास्त्रज्ञांनी 'एमईईआर' (मारियाना ट्रेंच एन्व्हायर्नमेंट अँड इकोलॉजी रिसर्च) प्रकल्पाअंतर्गत या संशोधनाचा डेटा ऑनलाइन उपलब्ध करून दिला आहे. यामुळे आपल्याला समुद्राच्या खोलीत जीवन कसं चालतं हे समजण्याची संधी मिळेलच, पण या संशोधनाचा उपयोग औषध आणि जैवतंत्रज्ञानातही होऊ शकतो. शास्त्रज्ञांच्या मते, "हे संशोधन आपल्याला अतिशय कठीण परिस्थितीत जीवन कसं विकसित होतं हे समजण्यास मदत करेल." हे संशोधन 'सेल जर्नल'मध्ये प्रकाशित झालं आहे.