Weight Loss : 2 ताटात जेवण घ्या, पोटभर खा! लातूरच्या डॉक्टरांनी सांगितला वजन कमी करण्याचा जगावेगळा फॉर्म्युला

लातूरच्या डॉक्टरांनी हा वजन कमी करण्याचा वेगळाच फॉर्म्युला सांगितला आहे. डॉ. राम जावळे असं त्यांचं नाव आहे. आता दोन ताटात जेवून वजन कसं काय कमी होईल? हे त्यांनी सविस्तरपणे स्पष्ट करून सांगितलं आहे. डॉ. राम जावळे यांनी सांगितलं की, दोन ताट घ्यायचे पण दोन्ही ताटातील पदार्थ वेगवेगळे आहेत. जेवताना पहिलं ताट आधी संपवायचं त्यानंतरच दुसऱ्या ताटाकडे वळायचं.

पहिल्या ताटात असलेले सगळे कच्चे पदार्थ स्वच्छ धुवून घ्या, बारीक बारीक चावून ध्या, तोंडात पाणी होईपर्यंत चावा. यातून व्हिटॅमिन्स, क्षार, खनिजं, फायबर मिळतील. शरीराला कॅलरीज मिळतील, पोट साफ व्हायला मदत होईल, रक्तदाब, डायबेटिज, हार्ट अटॅक, अर्धांगवायू, दमा असे गंभीर आजार होणार नाहीत.  रोगप्रतिकारक शक्ती वाढेल, तुमची त्वचा तरुण दिसेल, मेंदूची कार्यक्षमता चांगली होईल.

ताट क्रमांक एकमधून आपण काही गोड, तेलकट, मीठ खाल्लेलं नाही. म्हणजे जे 3 घटक कंट्रोल करायचे ते आपोआप कंट्रोल झालेले आहेत. त्यामुळे या ताटातून चांगले फायदे मिळतील. शिवाय आधी पोट तसं भरलं आहे, थोडीशी जागा आहे. त्यामुळे ताट क्रमांक 2 मधील पदार्थ फार जाणार नाही.

तुमचं पोटही गच्च भरेल आणि काही दिवसांनी तुम्ही पाहाल तर वजन कमी झालेलं असेल आणि मेंटेन राहिल. पोटाच्या तक्रारी इतर आजारही नाहीसे होतील. कारण तुमची रोगप्रतिकारक शक्ती खूप वाढेल.

(सूचना : हा लेख सोशल मीडियावर डॉक्टरांच्या व्हिडीओवर आधारित आहे. अवलंब करण्यापूर्वी स्वतः तज्ज्ञांचा सल्ला जरूर घ्या.)