Sabudana : साबुदाणा भिजत घालायला विसरलात; कच्च्या साबुदाण्यापासून अशी बनवा खिचडी आणि वडा

तुम्ही दोन पद्धतीने बनवू शकता. एक म्हणजे साबुदाणा एका चाळणीत धुवून घ्या. चाळणीतच तो पसरवून घ्या. एका गॅसवर पातेलं ठेवून त्यात पाणी ठेवून उकळी येऊ द्या. आता या पातेल्यावर साबुदाणा असलेली चाळण ठेवा त्यावर झाकण ठेवा. काही मिनिटांनी तुम्ही उघडून पाहाल तर साबुदाणा भिजल्यासारखा तयार झालेला दिसेल. तो धुवून तुम्ही त्यापासून जशी एरवी खिचडी बनवता तशीच बनवून घ्या.

साबुदाणा मिक्सरमध्ये जाडसर वाटून घ्या. नंतर त्यात मिरची आणि आलं हवं असेल तर घालून पुन्हा थोडं फिरवून घ्या. आता यात कच्चा बटाटा किसून, जिरं आणि मीठ घालून मिक्स करून 10 मिनिटं मुरण्यासाठी ठेवा. बटाट्याला पाणी सुटतं. त्यामुळे गरज असेल तर अगदी थोडंसं पाणी घाला.