पोहे खाल्ल्यावर जळजळ होतेय? मग खाण्याची पद्धत चुकतेय, पाहा काय घ्यावी काळजी? Video

कोल्हापूर: नाश्त्यासाठी सर्वात हलकाफुलका आणि पटकन बनणारा पदार्थ म्हणजे पोहे. सकाळच्या वेळी बऱ्याच जणांना पोहे खायला आवडतात. त्यात पोह्यांची चव वाढवण्यासाठी बटाटा, शेंगदाणे असे पदार्थही त्यामध्ये घातले जातात. मात्र पोहे खाण्याच्या काही चुकीच्या पद्धतीमुळे या पोह्यांमधील पोषक घटक शरीराला मिळतच नाहीत. त्यामुळे बऱ्याच जणांना पोहे खाल्ल्यानंतर अपचन जळजळ अशा गोष्टींचा देखील सामना करावा लागतो. त्यामुळेच पोहे खाताना नेमकी काय काळजी घ्यावी याबाबत कोल्हापूर येथील आहारतज्ज्ञ अमृता सूर्यवंशी यांनी अधिक माहिती दिली आहे.

खरंतर पोहे खाताना आपल्याला त्यावरून बारीक शेव, किसलेले खोबरे असे घटक दिले जातात. पण कधीही पोहे खाताना त्यासोबत लिंबूची एक फोड सक्तीने खावी. खरंतर लिंबू ही पोह्याची चव वाढवण्यासाठी उत्तम पर्याय ठरतो. मात्र लिंबूची फोड पोह्यासोबत असणे हे फक्त चवीसाठी नसून त्या पोह्यातील पोषक घटकांसाठी देखील उपयुक्त ठरते, असे अमृता सूर्यवंशी यांनी सांगितले आहे.