झोपेचा भावनांशी थेट असतो संबंध, झोपण्यापूर्वी हे काम करा, नेहमी रहाल आनंदी अन् फ्रेश

हा संबंध केवळ एका दिशेने जाणारा नाही, तर दुहेरी आहे. याचा अर्थ, जसा भावनांचा झोपेवर परिणाम होतो, तसाच खराब झोपेमुळे नकारात्मक भावनाही वाढू शकतात. जेव्हा एखादी व्यक्ती चांगली झोप घेत नाही, तेव्हा त्याचा मूड बिघडू शकतो आणि त्याला जास्त ताण, चिंता किंवा नैराश्य जाणवू शकतं. यामुळे तो दुसऱ्या दिवशी दुःखी किंवा चिडचिडा होऊ शकतो, ज्यामुळे त्याच्या झोपेच्या चक्रावर आणखी परिणाम होतो.

तज्ज्ञांच्या मते, तुम्हाला तुमची झोप सुधारायची असेल, तर मानसिक आरोग्याची काळजी घेणं खूप महत्त्वाचं आहे. रात्री झोपण्यापूर्वी मोबाईल आणि लॅपटॉपपासून दूर राहा, कारण स्क्रीनचा निळा प्रकाश मन सक्रिय ठेवतो आणि झोपेत व्यत्यय आणतो. दररोज किमान 7-8 तास झोपा आणि झोपण्याची आणि उठण्याची वेळ निश्चित करा. ध्यान आणि योगा करा, यामुळे मन शांत राहील आणि तुम्हाला चांगली झोप मिळेल. झोपण्यापूर्वी कॅफिन आणि जड जेवण टाळा, कारण त्याचा झोपेवर परिणाम होऊ शकतो. आनंदी आणि सकारात्मक राहण्याचा प्रयत्न करा, कारण आनंदी मन चांगली झोप घेण्यास मदत करतं.