चपाती की भात, हेल्थी राहण्यासाठी काय खावं जास्त? कशातून मिळते सर्वाधिक ऊर्जा?

भातामध्ये कार्बोहायड्रेट जास्त असतं. त्यामुळे अति भात खाल्ल्यास वजन वाढू शकतं. तसंच यामुळे रक्तातली साखरही वेगानं वाढू शकते. जर आपल्याला वजन कमी करायचं असेल, तर चपाती खाणं जास्त फायद्याचं ठरतं. चपातीत जास्त फायबर आणि प्रोटीन असतं. त्यामुळे पोट जास्तवेळ भरलेलं राहतं आणि मेटाबॉलिज्म वाढतं.

चपातीमध्ये फायबर भरपूर असल्यानं ती भरपूर खावीशी वाटत नाही. तसंच भाताच्या तुलनेत चपातीत ग्लायसेमिक इंडेक्स कमी असल्यानं रक्तातली साखर वेगानं वाढत नाही. चपातीत आयर्न, कॅल्शियम, पोटॅशियम, फॉस्फोरस, मॅग्नेशियम आणि फायबर भरपूर असतं. यातील ग्लूटेन आणि प्रोटीनमुळे शरीरातील पेशी भक्कम होण्यास मदत मिळते. धनबाद भागातील डॉक्टर रमेश यांनी ही सविस्तर माहिती दिली आहे.