तुम्हालाही हवेत लांबसडक, घनदाट केस? आजपासूनच खायला सुरुवात करा 'हा' पदार्थ!

रायबरेली : महिला असो किंवा पुरुष, घनदाट केस कोणाला नाही आवडत. असं म्हणतात की, आपण जे काही खातो, त्याचाच परिणाम आपल्या त्वचेवर, केसांवर होतो. केस म्हणजे सौंदर्याचा एक भाग, ते सुदृढ असतील तर सौंदर्यात आणखी भर पडते. त्यामुळे आपले केस छान राहावे यासाठी प्रत्येकजण प्रयत्न करतो. परंतु आजकाल केसगळती ही अगदी सामान्य समस्या झाली आहे. काही केल्या केस गळायचे थांबत नाहीत आणि नवे केस उगवण्याबाबत तर काहीच खात्री नसते. त्यामुळे टक्कल होण्याबाबत अनेकजण चिंतेत असतात.

डॉ. स्मिता श्रीवास्तव सांगतात की, आपल्यालाही लांबसडक, काळेभोर, घनदाट केस हवे असतील तर आपण दररोज आवळा खायला हवा. आवळा म्हणजे सुपरफूड. ज्यामुळे आरोग्य सुदृढ राहतंच, शिवाय सौंदर्यही वाढतं. कारण त्यात भरपूर पोषक तत्त्व असतात. आवळ्यामुळे रोगप्रतिकारक शक्तीही कमालीची वाढते. आयुर्वेदात आवळ्याला अतिशय गुणकारी मानलं जातं. कारण आवळा केसांसह संपूर्ण शरीरासाठी फायदेशीर ठरतो.