थकवा जाणवतोय? तुरीच्या शेंगा करतील कमाल, पाहा आश्चर्यकारक फायदे

तुरीच्या शेंगांचे भरपूर फायदे आपल्या शरीराला होत असतात. तुरीच्या शेंगांमध्ये लोहाचं प्रमाण जास्त असतं. तसेच कॅल्शिअम देखील मुबलक असतं. तसेच तूर ही पोटॅशियम, मॅग्नेशियमचाही चांगला स्त्रोत मानली जाते. ही सर्व खनिजं उत्तम आरोग्यासाठी गरजेची असतात. त्यासोबतच यामध्ये भरपूर विटामिन्स आणि फायबर देखील आहे. तुरीची डाळ खाल्ल्यामुळे अनेक जणांना ऍसिडिटीचा त्रास होतो. पण जर तुम्ही फ्रेश तुरीचे दाणे घेतले आणि ते खाल्ले तर त्यामुळे तुम्हाला ऍसिडिटी होत नाही, असं कर्णिक सांगतात.

तुम्ही वेगवेगळ्या माध्यमातून तुरीच्या शेंगा खाऊ शकता. यामध्ये तुम्ही तुरीच्या शेंगांची आमटी, त्याचबरोबर कचोरी, पराठे हे करून खाऊ शकता. तसेच शेंगा उकडून देखील खाऊ शकता. यातून भरपूर फायदे भेटतात. तुरीच्या दाण्यांपासून तुम्ही जर काही करत असाल तर त्यात भरपूर ताजी कांद्याची पात वापरावी, असंही आहारतज्ज्ञ सांगतात.

लहान मुलांत बऱ्याचदा कॅल्शिअमची कमतरता असते. अनेक मुलांचे रात्री झोपेमध्ये पाय दुखतात किंवा इतरही त्रास होतो. तर या शेंगा खाल्ल्यामुळे ते त्रास होत नाहीत. त्यामुळे त्यांना तुरीच्या शेंगा देण्याचा फायदा होतो. तसेच मोठ्या व्यक्तींना खूप विकनेस असेल किंवा लवकर थकवा जाणत असेल तर तूर खाणे लाभदायी ठरते. यातून मुबलक प्रमाणात आयर्न मिळत असल्याने थकवा दूर होण्यास मदत होते. त्यामुळे वेगवेगळ्या माध्यमातून तुरीच्या शेंगा किंवा तुरीचे दाणे आवर्जून खावेत, असं आहारतज्ज्ञ सांगतात.