ऋतू कोणताही असो, सनस्क्रीन लावताना 'हे' लक्षात ठेवा; नाहीतर तेज जाऊ शकतं

नवी दिल्ली : उन्हाळ्यातच नाही, तर वर्षाच्या 12 महिन्यांतून कधीही घराबाहेर पडण्यापूर्वी सनस्क्रीन लावणं आवश्यक असतं, असं डॉक्टर सांगतात. कोणत्याही नॉर्मल क्रीमप्रमाणे सनस्क्रीन सहज वापरता येतं. त्यामुळे सूर्यकिरणांपासून त्वचेचं रक्षण होतं आणि त्वचेचा पोतही व्यवस्थित राहतो. परंतु सनस्क्रीन क्रीम नेमकं किती प्रमाणात वापरावं याबाबत स्किन स्पेशलिस्ट काय सांगतात, जाणून घेऊया.

डॉ. आकांक्षा जैन यांनी याविषयी माहिती दिली आहे. उन्हापासून त्वचेचं रक्षण करण्यासाठीची सर्वात पहिली पायरी म्हणजे सनस्क्रीनचा वापर आहे, असं त्या सांगतात. सनस्क्रीन नेमकं कसं वापरावं याबाबत त्यांनी स्टेप बाय स्टेप माहिती दिली आहे.

एकावेळी तुम्ही 30 एमएलपर्यंत सनस्क्रीन वापरू शकता. संपूर्ण चेहऱ्यावर ठिपके लावून मग ते हळूवारपणे सर्वत्र पसरवू शकता. उन्हात गेल्यानंतर प्रत्येकी 3 तासांनी सनस्क्रीन वापरावं. डॉक्टर सांगतात की, सनस्क्रीन केवळ चेहऱ्यावरच नाही, तर मानेला, कानांना आणि हाता-पायांनाही लावू शकता. मग तुम्ही कोणत्याही ऋतूत घराबाहेर पडलात तरी त्वचेचं नुकसान होणार नाही. शिवाय लक्षात घ्या, सनस्क्रीन हे उत्तम दर्जाचंच असावं आणि कमीत कमी SPF 30 वापरावं.