'माझी गर्लफ्रेंड होती, तेव्हा आईचा बॉयफ्रेंड...', कुनिका सदानंदच्या अफेअरबद्दल स्पष्टच बोलला लेक अयान लाल

मुंबई: ‘बिग बॉस १९’ मध्ये सध्या अभिनेत्री कुनिका सदानंद तिच्या बेधडक विधानांमुळे चर्चेत आहे. पण, ‘बिग बॉस’च्या घरात जाण्याआधीही ती तिच्या खासगी आयुष्यामुळे खूप चर्चेत होती.

कुनिकानी गायक कुमार सानूसोबतच्या तिच्या लिव्ह-इन रिलेशनशिपबद्दल धक्कादायक खुलासे केले होते. आता कुनिकाच्या मुलाने अयान लालनेही या नात्याबद्दल मोकळेपणाने भाष्य केलं आहे.

कुनिका सदानंदचा मुलगा अयान लालने एका मुलाखतीत सांगितलं की, “एक वेळ अशी होती, जेव्हा माझी गर्लफ्रेंड होती, आणि त्याच वेळी माझ्या आईचा बॉयफ्रेंड होता.” याच कारणामुळे त्यांच्यात खूप चांगली मैत्री झाली, असंही तो म्हणाला.

अयानने त्याच्या आईच्या कुमार सानूसोबतच्या नात्याबद्दल बोलताना सांगितलं, “जसं बातम्यांमध्ये म्हटलं जात आहे, तसं ते २७ वर्षं चाललं नाही. तर हे नातं जेव्हा सुरू झालं, तेव्हा माझ्या आईचं वय २७ वर्ष होतं.” तो म्हणाला की, त्याला याबद्दल खूप नंतर कळलं.

अयानने सिद्धार्थ कन्ननला दिलेल्या मुलाखतीत सांगितलं की, अमेरिकेत असलेल्या त्याच्या वडिलांसोबत घटस्फोट झाल्यानंतर त्याची आई खूप एकटी झाली होती आणि तिला एका साथीदाराची गरज होती.

तिच्या आयुष्यात अनेक पुरुष आले आणि त्यांच्याशी तिचं नातं चांगल्या नोटवर संपलं. अयान म्हणाला, “त्यातील काही जण चांगले पती होते, तर काही चांगले वडील.” पण, कुणासोबतही तिचं नातं लग्नापर्यंत पोहोचलं नाही.

अयानला जेव्हा कुमार सानूसोबतच्या नात्याबद्दल विचारलं, तेव्हा तो म्हणाला, “मला वाटतं, ते नातं खूप टॉक्सिक होतं. ती माझ्यासमोर दिवसभर त्यांची गाणी गायची, तेव्हा मला कळलं की तिला ते गायक म्हणून खूप आवडतात.”

अयानने सांगितलं की, त्याची आई कुमार सानूवर आजही प्रेम करते, पण आता ते त्या प्रकारचं प्रेम नाही. तो म्हणाला, “जेव्हा मी त्यांना गूगल करून त्या नात्याबद्दल विचारलं, तेव्हा ती म्हणाली, ‘तो माझ्या आयुष्यातला खूप महत्त्वाचा व्यक्ती होता. मी त्याला माझ्या पतीसारखं मानत होते आणि प्रत्येकाने एकदा तरी असं प्रेम अनुभवायला पाहिजे. ते नातं टॉक्सिक होतं, खूप जास्त टॉक्सिक होतं.”

या नात्याबद्दल कुनिकानी ‘बिग बॉस’च्या घरातही काही गोष्टी सांगितल्या आहेत. ती म्हणाली, “कुमार सानू विवाहित होता आणि लिव्ह-इन रिलेशनशिपमध्ये आम्ही राहत होतो. जेव्हा मला कळलं की, तो मला धोका देतोय, तेव्हा मी त्याला सोडून दिलं.”