Tomato Facial : घरच्या घरी करुन बघा टॉमेटो फेशियल, चेहऱ्याची त्वचा दिसेल तजेलदार

मुंबई : चेहऱ्याच्या नियमित स्वच्छतेबरोबरच फेशियलही केलं जातं. डोळ्यांवर काकडी ठेवल्यावरही फ्रेश वाटतं. त्वचेची काळजी घेण्यासाठी टोमॅटोचाही वापर वेगवेगळ्या प्रकारे केला जातो. टोमॅटोमध्ये भरपूर प्रमाणात अँटी-ऑक्सिडंट असतात. टॉमेटो त्वचेवर लावल्यानं सनबर्न बरा होतो, जळजळ कमी होते, त्वचेला दाहक-विरोधी गुणधर्म मिळतात, त्वचा तरुण दिसते, कोलेजनचं उत्पादन वाढतं, त्वचेच्या मृत पेशी काढून टाकल्या जातात आणि त्वचेला ओलावा येतो. टोमॅटो त्वचेसाठी खूप फायदेशीर आहे आणि म्हणूनच टोमॅटोनं फेशियल करता येतं.