खरंच चहा पिल्याने चेहरा काळा पडतो का ? आहार तज्ज्ञांनी दिली महत्त्वाची माहिती

चहा हे एक उत्तेजक पेय आहे. यातून शरीरास उपयुक्त कोणतेही घटक मिळत नाहीत. मात्र, तुम्ही वारंवार चहा घेतल्यास त्याचा पचनसंस्थेवर वाईट परिणाम होतो. भूक मंदावते आणि रोग प्रतिकारक शक्ती कमी होते. तसेच चहामुळे झोपेवरही परिणाम होतो. त्यामुळे चहा योग्य प्रमाणात घेणं गरजेचं आहे, असे आहार तज्ज्ञ सांगतात.

चहा पिल्याने चेहरा काळा पडतो असं सांगितलं जातं. पण त्यात अजिबात तथ्य नाही. चहामुळं चेहरा काळा पडत नाही. मात्र, चहातील टॅनिनमुळं झोप लागत नाही. झोप व्यवस्थित न झाल्यामुळे चेहऱ्यावर विशेषत: डोळ्यांच्या खाली काळे वर्तूळ निर्माण होण्याची शक्यता असते. तसेच असहजता वाटणे, नकारात्मक भावना येणे यासारखे परिणामही दिसून येतात. झोप न झाल्याचा परिणाम चेहरा काळवंडणे असू शकतो. पण चहाचा नाही, असंही कर्णिक सांगतात.

चहा घेताना योग्य प्रमाणात घेणं गरजेचं आहे. वारंवार चहा घेणं आरोग्यास अपायकारक आहे. जास्त डार्क किंवा कडक चहा घेऊ नये. त्याचा परिणाम थेट पचनसंस्थेवर होतो आणि त्याचा आरोग्यावर परिणाम होण्याची शक्यता असते, असेही आहार तज्ज्ञ सांगतात.