जखम लवकर बरी करायला मदत करते 'ही' वनस्पती; पाहा काय आहेत बहुगुणी फायदे

कंबरमोडी ही सर्वांना परिचित अशी वनस्पती आहे. घराच्या आजूबाजूला सहज आढळते. विशेषतः ज्याठिकाणी पाण्याची कमतरता आहे त्याठिकाणी ही वनस्पती मोठ्या प्रमाणात उगवते. कोणालाही थोडीही जखम झाली, ठेच लागली की कंबरमोडीचा पाला हातावर घासून त्याचा रस काढून त्या जखमेवर लावला जातो. त्यामुळे जखम लवकर भरून येते. जखम बरी होते, असं डॉ. नितीन मेशकर सांगतात.

ही अतिशय उपयोगी वनस्पती दुर्लक्षित आहे. आजही आपण त्याचा म्हणावा तेवढा उपयोग करत नाही. आम्लपित्त किंवा मुळव्याध यासारख्या त्रासांवर देखील कंबरमोडी उपयुक्त आहे. रक्तस्राव होत असल्यास, कंबरमोडीचा पाला फायदेशीर ठरतो. बाहेरच्या जखमांसाठी हाडांच्या मजबुतीसाठी,रक्त वाढण्यासाठी किंबहुना अनेक दुर्धर आजारांवर ही वनस्पती फायदेशीर आहे. कंबरमोडीच पाला खूप चांगला आहे. आपण याचा उपयोग करायला पाहिजे निसर्गाने दिलेली ही चांगली देणगी आहे. एकही रुपयाचा खर्च नाही निःशुल्क मिळणारी ही वनस्पती औषधी आहे.

कंबरमोडी वनस्पती आपण खाऊ देखील शकतो. गोड रसयुक्त ही वनस्पती आहे. त्याची चार-चार पाने आपण खाऊ शकतो. तुपा सोबत खाऊ शकतो किंवा त्याचा चूर्ण बनवून देखील त्याचा सेवन करू शकतो, असंही डॉ. नितीन मेशकर सांगतात.

ही जमिनीपासून साधारण फूटभर वाढणारी वनस्पती आहे. कंबरमोडी ही वेलासारखी भुईसपाट पसरत जाणारी वनस्पती असून अतिशय नाजूक असते. हिला थोडाही धक्का लागला तर ती कुठूनही तुटते. अशा या सहज उपलब्ध होणाऱ्या कंबरमोडी वनस्पतीचे अनेक फायदे आहेत.