आकर्षक निमंत्रण पत्रिका टाकून देताय? अर्ध्या तासात बनवा सुंदर फ्लॉवर पॉट, Video

सर्वप्रथम एखाद्या सुंदर डिजाईन असलेल्या पत्रिकेला चौकोनी आकारात कापून घ्या. आता शेंगदाणेसाठी करतो तशी किंवा फुलांचे बुके असतात त्या आकारात दुमडून घ्या. त्याला हॉट ग्लु किंवा शक्यतो स्टेपलर लावून सिक्युर करून घ्या. आता त्याला स्टॅन्ड तयार करायचं असल्यामुळे त्याला खालून थोडं कट करून घ्या. आता त्याच डिजाईनच्या पत्रिकेचा तुकडा घेऊन गोल आकारात कापून घ्या. सेंटरपर्यंत कात्रीने कट करा. आता थोडं दुमडून स्टेपलर पिन लावून घ्या. आता त्यावर फेविकॉल किंवा 'हॉट ग्लू'च्या साह्याने कोन चांगला चिटकवून घ्या.

आता फुलं बनविण्यासाठी सर्वप्रथम पत्रिका आयताकृती कापून त्याला दुमडून पेन्सिलने मार्क करा. बारीक बारीक लांब कट करून घ्या. आता उलट करून एकीकडे फेविकॉल लावून घ्या. आता तयार केलेल्या दांडीवर वरून खाली अशाप्रकारे चिटकवून घ्या. अशी 4-5 फुले तयार करा आणि वेगवेगळ्या आकाराची फुले तुम्ही तयार करू शकता. आता त्या फ्लॉवर पॉट ला डेकोरेशन करू शकता. त्यात ही फुले ठेवून फ्लॉवर पॉट तयार आहे.