Monsoon Tips: पावसाळ्यात फिरायला जाताय? मग सेल्फी घेण्यापूर्वी हे माहिती असलंच पाहिजे!

सर्वात महत्त्वाची गोष्ट म्हणजे, कधीही धोकादायक ठिकाणी जाऊन सेल्फी काढू नका. जिथे पाण्याच्या प्रवाहाला वेग आहे, जिथे पाय घसरण्याची शक्यता आहे, अशा ठिकाणी जाणे टाळा. अनेकदा काही उत्साही तरुण किंवा पर्यटक पाण्याच्या अगदी जवळ जाऊन, कठड्यावर चढून किंवा धोकादायक कड्यावर उभे राहून सेल्फी घेण्याचा प्रयत्न करतात. यामुळे मोठा अपघात होऊ शकतो आणि आपला जीव देखील जाऊ शकतो. त्यामुळे आपली सुरक्षा ही सर्वात महत्त्वाची आहे. सेल्फी घेताना नेहमी सुरक्षित अंतर ठेवा. धरणाच्या कठड्यावर चढू नका किंवा रेलिंगवरून पुढे झुकू नका. निसरड्या जागा, खडकाळ भाग किंवा पाण्याच्या जवळच्या जागा टाळा. प्रशासनाने लावलेले 'धोकादायक क्षेत्र' किंवा 'सेल्फी घेण्यास मनाई' असे फलक गांभीर्याने घ्या.