Video: श्रावण महिन्यात साबुदाणा खिचडी खाऊन कंटाळलात? मग उपवासाला करा थालीपीठ

श्रावण महिन्यात अनेक जण उपवास करतात. उपसला आपल्याकडे प्रामुख्याने साबुदाणा वडे, साबुदाणा खिचडी आणि भगर हे पदार्थ बनवतात. पण उपासाला थालीपीठही आपण ट्राय करू शकता. यामध्ये तुम्ही साबुदाण्याचे थालीपीठ, भगरीचे थालीपीठ, शिंगाड्याचे थालीपीठ, राजगिरा थालीपीठ आणि मिक्स थालीपीठ असे चार प्रकारचे वेगवेगळे थालीपीठ तयार केले जातात. आपण हे सर्व एकत्र करून मिक्स थालीपीठही बनवू शकता.

मिक्स थालीपीठ करण्यासाठी साबुदाण्याचे पीठ, भगरीचे पीठ, राजगिऱ्याचे पीठ, शिंगाड्याचे पीठ हे समप्रमाणामध्ये घ्यायचे. यामध्ये बाइडिंगसाठी एक उकडून घेतलेला बटाटा, चवीपुरतं मीठ व हिरवी मिरचीचा ठेचा घालायचा. जर तुम्हाला जिरे आवडत असतील तर तुम्ही जिरे सुद्धा यामध्ये टाकू शकता. या सर्वांना छान मिक्स करून घ्यायचं व थोडे थोडे पाणी घालून गोळा तयार करून घ्यायचा. जास्त घट्ट किंवा पातळ गोळा करायचा नाही. तर मिडीयम गोळा बनवून घ्यायचा.