Raw onion Disadvantage: कांदा खाताय? जरा सांभाळूनच, थोड्याशा चुकीचे होतील गंभीर परिणाम, आत्ताच व्हा सावध

मुंबई :  कांदा हा भारतीय जेवणातला एक महत्त्वाचा घटक किंवा पदार्थ आहे. जसं मिठाशिवाय जेवण हे अळणी ठरतं तसंच काहीसं कांद्याचं आहे. कांद्याशिवाय अन्नाला चवच नाही असे मानणारे अनेक जण आहेत. विशिष्ठ धर्माची, पंथाची लोकं सोडली तर अनेकांना कांद्याशिवाय जेवण ही कल्पनाच कठीण वाटू शकते. अगदी कांदाभजी पासून ते विविध भाज्यांमध्ये कांद्याचा सर्रासपणे वापर दिसून येतो. अनेकांना सलाडमध्येही कच्चा कांदा खायला आवडतो. कांद्यात सोडियम, पोटॅशियम, फोलेट, व्हिटॅमिन ए, सी आणि ई, कॅल्शियम, मॅग्नेशियम आणि फॉस्फरससारखी अनेक पोषक तत्वं आढळतात. त्यामुळे कांदा खाल्ल्याने शरीराला अनेक फायदे होतात. कांदा खाणं हे आरोग्यासाठी फायद्याचं जरी असलं तरीही अति तिथे माती या म्हणीप्रमाणे तुम्ही जर जास्त प्रमाणात कांदा खाल्ला तर तुमच्यासाठी तो धोक्याचा ठरू शकतो.