Khadi-Cotton Cord Set : खादी-कॉटन कॉर्ड सेट, फक्त 350 रुपयांत करा खरेदी, मुंबईतील हे ठिकाण माहितीये का?
- Reported by:Bhavna Arvind Kamble
- Published by:Mohan Najan
Last Updated:
दादर वेस्ट परिसरात अवघ्या 350 रुपयांत आकर्षक कॉर्ड सेट ड्रेस उपलब्ध होत असून, याची सध्या मोठी चर्चा सुरू आहे.
मुंबई : महागाईच्या काळात महिलांना परवडणाऱ्या किमतीत ट्रेंडी आणि आरामदायक कपडे मिळणे कठीण झाले आहे. मात्र, दादरमधील एका स्टॉलमुळे हे चित्र बदलताना दिसत आहे. दादर वेस्ट परिसरात अवघ्या 350 रुपयांत आकर्षक कॉर्ड सेट ड्रेस उपलब्ध होत असून, याची सध्या मोठी चर्चा सुरू आहे. विशेष म्हणजे हे कॉर्ड सेट एम ते थेट 5 एक्सएल (M to 5XL) साईजपर्यंत मिळत आहेत, जे प्लस साईज महिलांसाठी मोठे आकर्षण ठरत आहे.
हे सर्व कॉर्ड सेट खादी आणि कॉटन या नैसर्गिक आणि आरामदायक कापडांमध्ये उपलब्ध आहेत. हे कपडे घालायला हलके आणि ट्रेंडी असल्यामुळे महिलांची विशेष पसंती मिळत आहे. रोजचा वापर, ऑफिस, कॉलेज, प्रवास किंवा कॅज्युअल आउटिंगसाठी हे कॉर्ड सेट अतिशय योग्य आहेत.
advertisement
या स्टॉलवर डिझाईन्स आणि रंगांची प्रचंड व्हरायटी पाहायला मिळते. साधे, प्रिंटेड, फ्लोरल तसेच ट्रेंडी पॅटर्न्समधील कॉर्ड सेट येथे उपलब्ध आहेत. प्रत्येक वयोगटातील महिलांना आपल्या आवडीप्रमाणे ड्रेस निवडता येत असल्याने या ठिकाणी ग्राहकांची गर्दी वाढताना दिसत आहे. दादर परिसरात 350 रुपयांत इतक्या मोठ्या साईजचे कॉर्ड सेट कुठेही मिळत नसल्याचे ग्राहक सांगतात. त्यामुळे प्लस साईज महिलांसाठी हा स्टॉल एक मोठा दिलासा ठरला आहे. अनेक महिला एकदा खरेदी केल्यानंतर पुन्हा येथे येताना दिसतात.
advertisement
या स्टॉलवर किरकोळ विक्रीसोबतच होलसेलची सुविधाही उपलब्ध आहे. त्यामुळे बुटीक चालक, छोटे व्यापारी आणि ऑनलाइन विक्रेते मोठ्या प्रमाणात खरेदी करत आहेत. हा स्टॉल सकाळी 11 ते रात्री 10 वाजेपर्यंत सुरू असतो. दादर वेस्ट येथे सुविधा शोरूमच्या शेजारी आणि बर्गर किंगच्या खाली हा स्टॉल आहे. कमी किमतीत दर्जेदार, मोठ्या साईजचे आणि फॅशनेबल कॉर्ड सेट हवे असतील, तर या स्टॉलला नक्कीच भेट देण्यासारखे आहे.
Click here to add News18 as your preferred news source on Google. मुंबई आणि पुण्यासह महाराष्ट्रातील महानगरपालिका निवडणुकीचे निकाल पाहण्यासाठी येथे क्लिक करा आणि ताज्या निवडणूक बातम्या तसेच अपडेट्सची यादी मिळवा.
Location :
Mumbai,Maharashtra
First Published :
Jan 19, 2026 10:52 AM IST
मराठी बातम्या/लाइफस्टाईल/
Khadi-Cotton Cord Set : खादी-कॉटन कॉर्ड सेट, फक्त 350 रुपयांत करा खरेदी, मुंबईतील हे ठिकाण माहितीये का?
