Childrens Clothes In Mumbai: स्वस्तात खरेदी करा व्यवसायासाठी लहान मुलांचे कपडे, महिन्याला कमवा 1 लाख, मुंबईतील हे ठिकाण बेस्ट ऑप्शन, Video

मुंबई : जर तुम्ही गृहिणी असाल, स्वतःचा व्यवसाय सुरू करण्याची इच्छा बाळगणाऱ्या महिला असाल आणि गुंतवणूक कमी असावी असं वाटत असेल तर तुमच्यासाठी एक उत्तम संधी उपलब्ध झाली आहे. सध्या वेगवेगळ्या डिझाईन्सच्या कपड्यांची मागणी असते. त्यामुळे तुम्ही सुद्धा हा व्यवसाय सुरू करू शकता. यासाठी दहिसर पूर्व मध्ये सई डिझाईन्स हे होलसेल शॉप आहे. या होलसेल दुकानातून तुम्ही लहान मुलांचे पारंपरिक कपडे घेऊन व्यवसाय सुरू करू शकता.

या यशस्वी संकल्पनेचं मूळ आहे उद्योजिका विनया विचारे यांच्याकडे. त्यांनी 12 वर्षांपूर्वी घरच्या घरी शिलाई मशीनवरून सुरुवात केली. त्यांच्या हटके डिझाईन्सनी ग्राहकांचं लक्ष वेधलं आणि हळूहळू त्यांनी स्वतःचा शॉप सुरू केला. आज त्यांच्या यशस्वी व्यवसायात 15 महिला काम करत असून, विनया यांचं काम अनेक महिलांसाठी प्रेरणादायी ठरत आहे. विनया विचारे केवळ व्यवसाय चालवत नाहीत, तर नवोदित महिला उद्योजिकांना मार्गदर्शनही करतात.