Kolhapur: कोल्हापूर महापालिका निवडणुकीच्या हालचालींना वेग, 20 प्रभाग केले जाहीर, विरोधकांचा जोरदार विरोध

पण,कोल्हापूर महानगरपालिकेची प्रभाग रचना जाहीर होताच सत्ताधारी आणि विरोधक सामने सामने आले आहेत. काँग्रेसकडून सत्ताधाऱ्यांच्या सोयीची प्रभागरचना झाल्याचा आरोप करत त्याला तीव्र आक्षेप घेण्याचा इशारा दिलाय तर भाजपने विरोधकांच्याकडे कोणतेच मुद्दे नसल्याने त्यांचे रडगाणे सुरू असून त्यांचे डिपॉझिट जप्त होईल असा पलटवार केला. सत्ताधारी गटाने आपल्या सोयीची प्रभाग रचना केली आहे.  ३२ हजार मतदार असलेला २० नंबरच्या प्रभागात ५ नगरसेवक असणार आहे. तर  २७ ते २८ मतदारांचा एक प्रभाग केला आहे. त्यामुळे विरोधकांनी यावर आक्षेप घेतला आहे. त्यामुळे प्रभाग रचनेच्या मुद्यावरून पालिकेत वाद पेटण्याची चिन्ह आहे.

मागील १० वर्षांपासून कोल्हापूर पालिकेची निवडणूक रखडलेली आहे. कोल्हापूर महापालिकेची शेवटची निवडणूक ही नोव्हेंबर 2015 मध्ये झाली होती. या निवडणुकीत कोणत्याही एका पक्षाला स्पष्ट बहुमत मिळालं नव्हतं. या निवडणुकीत भारतीय जनता पार्टी (BJP): ३२ जागा, भारतीय राष्ट्रीय काँग्रेस (INC) : २७ जागा, राष्ट्रवादी काँग्रेस पक्ष (NCP) : १५ जागा, शिवसेना (SS): ४ जागा