शेतकऱ्यांसाठी गुड न्यूज! मंत्रिमंडळ बैठकीत फडणवीस सरकारचे ३ धडाकेबाज निर्णय, एका क्लिकवर

मुंबई : राज्यातील शेतकरी, व्यापारी आणि औद्योगिक क्षेत्रासाठी दिलासादायक ठरणारे अनेक महत्त्वाचे निर्णय आज (२७ जानेवारी) पार पडलेल्या राज्य मंत्रिमंडळाच्या बैठकीत घेण्यात आले. मुख्यमंत्री देवेंद्र फडणवीस यांच्या अध्यक्षतेखाली झालेल्या या बैठकीत ठाणे जिल्ह्यातील भिवंडी तालुक्यात मौजे बापगाव येथे मल्टी प्रॉडक्ट हब उभारण्यास अधिकृत मंजुरी देण्यात आली. या महत्त्वाकांक्षी प्रकल्पासाठी आवश्यक असलेली ८ हेक्टर शासकीय जमीन महसूल विभागाकडून पणन विभागाकडे हस्तांतरित केली जाणार असल्याची माहिती महसूल मंत्री चंद्रशेखर बावनकुळे यांनी दिली.