MDNLकडून गुंतवणूकदारांसाठी खुशखबर, अंतरिम लाभांश जाहीर केला
- Published by:Akshay Adhav
Last Updated:
सरकारी संरक्षण कंपनी MDNL ने गुंतवणूकदारांसाठी 0.75 रुपये प्रति शेअर अंतरिम लाभांश जाहीर केला आहे. यामुळे शेअर बाजारात कंपनीच्या शेअर्समध्ये जोरदार तेजी पाहायला मिळाली आहे.
मुंबई: सरकारी संरक्षण क्षेत्रातील आघाडीची कंपनी MDNL ने आपल्या गुंतवणूकदारांसाठी अंतरिम लाभांश जाहीर केला आहे. 0.75 रुपये प्रति शेअर लाभांश मिळणार असून, यासाठी 25 मार्च 2025 ही रेकॉर्ड तारीख निश्चित करण्यात आली आहे. याचा अर्थ, जे गुंतवणूकदार 25 मार्च किंवा त्याआधी शेअर्स धारण करतील, त्यांनाच हा लाभांश मिळणार आहे.
शेअर बाजारात जबरदस्त तेजी
लाभांश जाहीर होण्याच्या आधीच MDNL च्या शेअर्समध्ये जोरदार वाढ झाली. 19 मार्च 2025 रोजी 8.44% ची वाढ नोंदवत कंपनीचे शेअर्स 284.60 रुपये वर बंद झाले. गेल्या एका महिन्यात शेअरने 7.44% ची वाढ दर्शवली आहे, तर मागील 3 वर्षांत 68.45% चा जबरदस्त परतावा दिला आहे.
कंपनीची बाजारातील स्थिती
advertisement
-52 आठवड्यांचा उच्चांक: 541 रुपये
-52 आठवड्यांचा नीचांक: 226.60 रुपये
-एकूण बाजार भांडवल: 5331 कोटी रुपये
MDNL च्या या वाढत्या किंमती आणि लाभांश जाहीर केल्यामुळे गुंतवणूकदारांमध्ये मोठी उत्सुकता आहे. संरक्षण क्षेत्रातील ही मजबूत कंपनी आगामी काळात आणखी चांगला परतावा देऊ शकते.
Location :
Mumbai,Maharashtra
First Published :
March 20, 2025 9:51 PM IST
