Aditya Thackeray : कुणाल कामराचं नेमकं काय बोलणं झोंबलयं हे एकनाथ शिंदेंनी सांगावं, आदित्य ठाकरेंचा थेट सवाल

खारच्या युनिकॉन्टिनेन्टल हॉटेलमध्ये जाऊन शिवसेनेने कामराच्या कॉमेडी शोच्या निषेधार्थ तोडफोड केली. कुणाल कामरा याचा शो याच हॉटेलमध्ये पार पडला होता. हा शो सोशल मीडियावर व्हायरल झाल्यानंतर त्याचे पडसाद उमटण्यास सुरुवात झाली. या व्हिडीओत कुणाल कामरा याने अप्रत्यक्षपणे नाव न घेता उपमुख्यमंत्री एकनाथ शिंदे यांच्यावर विंडबनात्मक गाणे सादर केले. या गाण्यात गद्दार हा शब्ददेखील होता. त्यानंतर असलेल्या शेरेबाजीनंतर शिंदे गटाचे शिवसैनिक चांगलेच आक्रमक झाले.

मुंबईत माध्यमांशी संवाद साधताना शिवसेना ठाकरे गटाचे नेते, आमदार आदित्य ठाकरे यांनी शिंदे गटाच्या कार्यकर्त्यांनी केलेल्या तोडफोडीचा निषे केला. भगत सिंह कोश्यारी, कोरटकर, राहुल सोलापूरकर हे छत्रपती शिवाजी महाराज यांच्याबद्दल अपशब्द वापरतात तेव्हा त्यांच्या घरावर कधी आंदोलन करतील का, सवाल त्यांनी केला. एकनाथ शिंदे यांच्या कार्यकर्त्यांनीच टोळीने आपला नेता चोर आणि गद्दार आहे हे ठरवले आहे का, शिंदे गटाच्या एका खासदाराने सापशी तुलना करताना फणा काढू असे म्हटले. एवढी नाचक्की कधी झाली नव्हती ती आता झाली आहे.