Trending:

अजितदादांचं विमान हवेतच 90 डिग्री फिरलं, धुकं नव्हे अपघाताचं कारण वेगळंच? धडकी भरवणारा नवा VIDEO

Published by:Ravindra Mane

Last Updated:Jan 29, 2026 7:47 AM IST

Ajit Pawar Plane Crash CCTV Video: महाराष्ट्राचे उपमुख्यमंत्री अजित पवार यांचं बुधवारी सकाळी विमान अपघातात त्यांचं निधन झालं. या अपघाताचा नवा व्हिडीओ समोर आला आहे.

इम्पॅक्ट शॉटतुमचा गेटवे लेटेस्ट न्यूज

Ajit Pawar Plane Crash CCTV Video: महाराष्ट्राचे उपमुख्यमंत्री अजित पवार यांचं बुधवारी सकाळी विमान अपघातात त्यांचं निधन झालं. ते बुधवारी मुंबईहून बारामतीच्या दिशेनं आले होते. पण लँडींग करत असताना विमानाचं नियंत्रण बिघडून अपघात झाला. यात अजित पवारांसह एकूण पाच जणांचा दुर्दैवी अंत झाला. या अपघातानंतर आता अजित पवारांच्या विमान दुर्घटनेबाबत विविध प्रश्नचिन्ह उपस्थित केले जात आहेत. दरम्यान आता अजित पवार यांच्या विमान अपघाताचा नवा व्हिडीओ समोर आला आहे. ज्यामुळे विविध प्रश्ननिर्माण झाले आहेत.

सुरुवातीला धुक्यामुळे दृश्यमानता कमी होती, यामुळे धावपट्टीचा अंदाज न आल्याने अपघात झाल्याचं सांगण्यात आलं. मात्र नव्या व्हिडीओत विमान हवेत असतानात त्यात बिघाड झालं असावं, असं दिसत आहे. अजित पवार बारामती विमानतळाच्या दिशेनं जात असताना हवेत अचानक त्यांचं विमान चक्क ९० अंशात फिरल्याचं दिसून येत आहे. हा धडकी भरणारा व्हिडीओ गोजुबावी ग्रामपंचायतीच्या एका सीसीटीव्ही कॅमेऱ्यात कैद झाला आहे. याबाबतचं सीसीटीव्ही फुटेज न्यूज १८ मराठीच्या हाती लागलं आहे.

बारामती विमानतळाच्या धावपट्टीजवळ असलेल्या गोजुबावी ग्रामपंचायतीत लावलेल्या सीसीटीव्हीत विमान अपघातापूर्वीचा प्रसंग कैद झाला आहे. या सीसीटीव्ही व्हिडीओत हे विमान हवेतच ९० डिग्रीमध्ये एका बाजूला कलंडल्याचं दिसून आलंय. त्यामुळे या विमानाच्या इंजिनमध्ये बिघाड झाला होता का? असा प्रश्न तज्ज्ञांकडून विचारला जातोय. या प्रकारानंतर अवघ्या काही सेकंदात हे विमान कोसळलं आणि कोसळल्यानंतर आगीचे लोळ दिसून येत आहेत.

हा नवा व्हिडीओ समोर आल्यानंतर तज्ज्ञांकडून अनेक प्रश्न उपस्थित केले जात आहेत. विमान डाव्या बाजूला का कलंडलं? विमानाचं इंजिन फेल झालं का? विमानाचा एकच लँडिंग गिअर उघडला? लँडिंगवेळी इंजिनात तांत्रिक बिघाड? विमान अनियंत्रित का झालं? असे अनेक सवाल आता उपस्थित झाले आहेत. त्यामुळे या अपघाताचं कारण फक्त धुकं नव्हतं, तर वेगळंही कारण असू शकतं, असा अंदाज वर्तवण्यात येत आहे.

अजित पवारांच्या विमान अपघाताचा नवा VIDEO#AjitPawarDeath #AjitPawar #PlaneCarsh pic.twitter.com/FzgItbsS0I

— News18 Marathi (@News18_marathi) January 29, 2026

बारामती विमान अपघातात उपमुख्यमंत्री अजित पवार यांच्यासह 5 जणांचा मृत्यू झाल्यानंतर, आता 'ब्लॅक बॉक्स' हा तपासाचा मुख्य आधार आहे. लिअरजेट ४५ विमानातील फ्लाईट डेटा रेकॉर्डरमधून अपघातापूर्वीची विमानातील यंत्रणा आणि पायलटमधील संभाषण असा डेटा समोर येईल. ज्यामुळे अपघाताचं नेमकं कारण समजू शकणार आहे.

view comments

Location :

Baramati,Pune,Maharashtra

First Published :

Jan 29, 2026 7:47 AM IST

अजितदादांचं विमान हवेतच 90 डिग्री फिरलं, धुकं नव्हे अपघाताचं कारण वेगळंच? धडकी भरवणारा नवा VIDEO