Amravati: तो SRPF मध्ये अन् घरात घुसून पोलीस पत्नीची हत्या, अखेर 24 तासांत सत्य आलं समोर, अमरावती पोलीसही स्तब्ध!

या प्रकरणात अखेरीस  कॉन्स्टेबल महिलेचा पतीच निघाला हत्येचा मास्टरमाइंड निघाला. राज्य राखीव पोलीस दलात कार्यालयात असलेला आरोपी पती राहुल तायडे नेच  पोलीस पत्नीच्या हत्तेचा कट रचला होता. दोन मित्राच्या मदतीने पत्नीच्या गळा दाबून हत्या केली होती. आरोपी पतीने एक महिन्यापूर्वीच हत्येचा कट रचला होता. अमरावतीच्या फ्रेजरपुरा पोलिसांनी आरोपी पतीला अटक केली आहे. पोलिसांनी खाक्या दाखवताच राहुल तायडेनं खून कसा केला याची कबुली दिली.

आरोपी राहुल तायडे याचे एका महिलेशी प्रेम प्रकरणं होतं. त्यातून सतत घरी पत्नी आशा घुले यांच्याशी वाद होत होता. आरोपी राहुल तायडेचं 4- 5 वर्षापासून बाहेरील एका महिलेशी प्रेम प्रकरण होतं. याआधी देखील पत्नी आशा घुले यांनी त्याच्याविरोधात पोलिसांत तक्रार केली होती. विशेष म्हणजे, राहुल तायडे आणि आशा यांचा प्रेमविवाह झाला होता. या दोघांनाही बारा वर्षांचा एक मुलगा आणि एक मुलगी आहे. 13 वर्षांपूर्वी या दोघांचाही प्रेम विवाह झाला होता. पण राहुल बाहेर एका महिलेच्या प्रेमात पडला. बायको सारखी विरोध करत असल्यामुळे त्याने शांत डोक्याने तिचा काटा काढण्याचा कट रचला. शुक्रवारी घरात चोरी झाली यावेळी करून पत्नीची हत्या झाली, असा बनवा राहुलने रचला होता.