Ashok Chavan : भाजपमध्ये जायचा निर्णय चुकला का? निवडणूक निकालानंतर अशोक चव्हाण पहिल्यांदाच बोलले

अशोक चव्हाण यांनी लोकसभा निवडणुकीपूर्वी पक्ष बदलला पण इंडिया आघाडीला चांगलं यश मिळालं, आपला पक्ष बदलण्याचा निर्णय चुकला का? असं अशोक चव्हाणांना विचारलं असता, भाजपमध्ये जायचा माझा निर्णय वैयक्तिक होता, मोदी साहेबांचं नेतृत्व पाहून मी निर्णय घेतला. एका निवडणुकीच्या निकालामुळे निर्णय बदलणे हा पोरखेळ नाही, असं अशोक चव्हाण म्हणाले. तसंच आपण भाजपमध्ये राहणार असल्याचंही त्यांनी स्पष्ट केलं. तसंच मंत्रिपदाबाबतचा निर्णय मोदीजी घेतील, असंही अशोक चव्हाणांनी सांगितलं.

संसदेत नरेंद्र मोदींनी पंतप्रधानपदाची शपथ घेतली, त्यांनंतर त्यांचं अभिनंदन करण्यासाठी अनेक नेत्यांची रांग लागली, त्यात अशोक चव्हाणही होते. पण मोदींनी अशोक चव्हाणांकडे दुर्लक्ष केल्याचा व्हिडिओ व्हायरल झाला. हा व्हिडिओ चुकीचा असून जे घडलंच नाही ते दाखवण्याचा प्रयत्न आहे, असा आरोप अशोक चव्हाणांनी केला. मी तिथे होतो, जे दाखवलं ते वास्तव नाही, असं अशोक चव्हाण म्हणाले.