'अण्णा बाहेर येतोय', परळीत ऑडिओ क्लिप व्हायरल; शरद पवारांच्या उमेदवाराचा जीव धोक्यात

बीडच्या परळीत नगरपालिका निवडणूक मतदान झाल्यानंतर मतदान यंत्र ठेवलेल्या स्ट्राँग रूम बाहेर गोंधळ घातल्याच्या प्रकरणात दीपक देशमुख यांच्यासह पंधरा ते वीस जणांच्या विरोधात पोलिसांनी गुन्हा दाखल केला आहे. यानंतर आता दीपक देशमुख यांनी परळीतील प्रशासन कोणाच्यातरी दबावाखाली काम करत आहे, असा आरोप केला, त्यामुळे सातत्याने ते चर्चेत आहे. त्यानंतर आता दीपक देशमुख यांनी आता गौप्यस्फोट केला आहे.

दिपक देशमुख यांनी रोजी पत्रकार परिषद घेत माजी नगराध्यक्ष बाजीराव धर्माधिकारी आणि सुनील मस्के यांच्यात झालेल्या संभाषणाची क्लिप ऐकवत त्यांच्या जीवाला धोका असल्याचा दावा केला आहे. तुम्ही दीपक देशमुख यांच्यासोबत राहू नका, अण्णा लवकरच बाहेर येत असून ते साहेबांच्या रडारवर आहेत, त्यामुळे तुम्ही माझ्यासोबत राहा असे, या ऑडिओ क्लिपमध्ये म्हटले आहे.

बीडच्या परळी नगरपरिषद निवडणुकीनंतर मतदान यंत्र स्ट्रॉंग रूम मध्ये ठेवण्यात आले आहेत. त्या ठिकाणी आम्हाला 24 तास थांबण्यासाठी परवानगी द्या.. गादी व पलंगासह प्रवेश द्या अशी मागणी राष्ट्रवादी काँग्रेस शरदचंद्र पवार पक्षाच्या नगराध्यक्ष पदाच्या उमेदवार संध्या देशमुख यांचे पती दीपक देशमुख व त्यांच्या कार्यकर्त्यांनी केली होती. याच मागणीवरून त्यांनी स्ट्राँग रूम बाहेर जमाव एकत्र करत पोलीस अधिकाऱ्यांशी देखील वाद घातला होता.. या प्रकरणात आता पोलीस अधिकाऱ्याच्या तक्रारीवरून दीपक देशमुख यांच्यासह 15 ते 20 जणांच्या विरोधात गुन्हा दाखल करण्यात आला आहे. त्यामुळे आमच्या जीवाला धोका असून बाजीराव धर्माधिकारी यांचा सीडीआर तपसण्याची मागणी कली आहे.

स्ट्राँग रूम बाहेर थांबण्यासाठी रीतसर परवानगी मागितली होती परंतु ती दिली गेली नाही आम्ही त्या ठिकाणी थांबलेलो असताना पोलिसांनी आम्हाला हाकलून लावले असे देखील देशमुख यांनी म्हटले असून या प्रकरणाविषयी आम्ही निवडणूक आयोगाकडे देखील तक्रार केली असल्याचे त्यांनी सांगितले आहे.