मोबाईल घरी ठेवून वानवडीत बैठका, आरोपींची मोडस ऑपरेंडी समोर, अण्णाच्या दोन्ही सुनांबाबतही मोठी माहिती

पुणे : पुण्यातील नाना पेठेत वर्चस्वातून आणि कौटुंबिक वादातून महाविद्यालयीन तरुण आयुष कोमकरचा खून करण्यात आला. आयुषच्या हत्या प्रकरणात त्याचे सख्खे आजोबा बंडू आंदेकर, त्याचा मामा कृष्णा आंदेकर आणि इतरही आरोपींवर खुनाचा गुन्हा दाखल करण्यात आला आहे. जवळपास १० दिवसांनंतर या प्रकरणात आयुषच्या दोन्ही मामी अर्थात वनराज आणि कृष्णा आंदेकर यांच्या बायकांना अटक करण्यात आली आहे. इतर आरोपींची चौकशी सुरू असताना त्यांनी पोलिसांना दिलेल्या माहितीच्या आधारे ही कारवाई करण्यात आल्याचे सूत्रांनी सांगितले.