Beed News : ग्रामसेवकाला जातीवाचक शिवीगाळ, रक्तबंबाळ होईपर्यंत रॉडने मारहाण, गेवराईच्या घटनेने बीडमध्ये खळबळ!

बीड: मस्साजोगचे सरपंच संतोष देशमुख यांच्या हत्येनंतर बीडमधील कायदा-सुव्यवस्था, गुंडगिरीचा मुद्या ऐरणीवर आला होता. त्यानंतर पोलीस अधीक्षकांपासून ते पालकमंत्री देखील बदलण्यात आले. वर्षभरानंतरही बीडमध्ये काही बदल झाला का असा प्रश्न उपस्थित करणारी घटना घडली आहे. आदिवासी समाजातील ग्रामरोजगार सेवकाला जातीवाचक शिविगाळ करून गावातील काही गावगुंडानी मारहाण केल्याची धक्कादायक घटना उघडकीस आली आहे. या ग्रामरोजगार सेवकास रॉडने रक्तबंबाळ होईपर्यंत मारहाण करण्यात आली. या घटनेने एकच खळबळ उडाली आहे.