बीडमध्ये मध्यरात्री थरार! खोक्या भोसलेच्या कुटुंबावर जीवघेणा हल्ला; 4 महिला गंभीर जखमी

बीड : बीड जिल्ह्यातील शिरूर तालुक्यात एका खळबळजनक घटना समोर आली आहे. भाजप आमदार सुरेश धस यांचा जवळचा सहकारी आणि गुन्हेगारी पार्श्वभूमी असलेल्या सतीश उर्फ खोक्या भोसलेच्या कुटुंबावर जीवघेणा हल्ला करण्यात आला आहे. शनिवारी मध्यरात्री १० ते १५ जणांच्या टोळक्याने अचानक घरात घुसून हल्ला केला. या हल्ल्यात खोक्या भोसले यांच्या कुटुंबातील चार महिला गंभीर जखमी झाल्या असून, त्यातील एका महिलेची प्रकृती अत्यंत चिंताजनक असल्याची माहिती समोर आली आहे.