आम्ही जे पाहतोय ते फार वेदनादायी... कोर्टाने मनोज जरांगे पाटलांच्या वकिलांना झापले

मुंबई : मनोज जरांगे पाटील यांच्या आंदोलनाला परवानगी देताना काही अटी आणि शर्ती घालण्यात आल्या होत्या. परंतु प्राथमिकदृष्ट्या अटी शर्तींचे उल्लंघन झाल्याचे निर्दशनास आले आहे. दक्षिण मुंबईत महत्त्वाच्या ठिकाणी मोठी गर्दी आहे. रस्ते अडविण्यात येत आहेत. छत्रपती शिवाजी महाराज टर्मिनस आंदोलकांनी गच्च भरले आहे. उच्च न्यायालयाचा परिसरही आंदोलकांनी वेढलेला आहे. जरांगे पाटील यांच्यासह ५ हजार आंदोलकांना परवानगी दिली होती. आंदोलक न्यायालयाच्या निर्देशांचे पालन करीत नाहीत, असे खडसावत मुंबईतली आम्ही जी स्थिती पाहतोय ती फार वेदनादायी आहे, अशा शब्दात मुंबई उच्च न्यायालयाने मनोज जरांगे यांचे वकिल श्रीराम पिंगळे यांना ऐकवले.