अफगाणी बॉयफ्रेंड ते माय लव्हली हजबंड, तोतया IAS 'कल्पना'च्या मोबाईलमधून शॉकिंग खुलासा, पाकिस्तान...

रविवारी पोलिसांनी केलेल्या चौकशीत कल्पनाने स्वतःला आयएएस असल्याचे सांगून अनेकांना भ्रमित केल्याचे समोर आले. तिचे अफगाणिस्तानचा नागरिक असलेल्या मोहम्मद अशरफ खिल याच्यासोबत घनिष्ठ संबंध असल्याचे पोलिसांना कळले. याच प्रकरणात दहशतवादविरोधी पथकही तपासात उतरले आहे. आरोपीला बुधवारी न्यायालयात हजर करण्यात आले. दाखल केलेल्या पुराव्यांवर न्यायालयाने 10 दिवसांची पोलिस कोठडी सुनावली. न्यायालयातसुद्धा कल्पना आक्रमक वर्तन करत असल्याचे सांगितले जाते. वकिलांना ‘पाचपट फी देईन’ असे तिने मोठमोठे दावेही केले.

घरझडती दरम्यान पोलिसांना धक्कादायक माहिती हाती लागली. तिच्या फोनमध्ये पेशावर कँटोन्मेंट बोर्ड व काही अधिकाऱ्यांच्या नावाने नंबर सेव्ह होता. पाकिस्तानातील व्यक्तींशी चॅट, ज्यातील काही संदेश अचानक डिलिट केले गेले आहेत. अशरफच्या भावाचा व्हिसा नाकारूनही त्याचे पासपोर्ट-व्हिसाचे फोटो तिच्या मोबाइलमध्ये कसा आला हा प्रश्न आहे. खात्यात यावर्षी अचानक वाढलेली 32 लाखांची रक्कम आणि पाच वेळा देशांतर्गत विमान प्रवास केला आहे. ते कोणाला भेटण्यासाठी केला याचा शोध सुरू आहे.