Maharashtra politics : निष्ठेचं फळ मिळालं; उद्धव ठाकरेंकडून अंबादास दानवेंना मोठं पद

अंबादास दानवे हे लोकसभेसाठी इच्छूक होते. मात्र शिवसेना ठाकरे गटाकडून चंद्रकांत खैरे यांना पुन्हा एकदा लोकसभेचं तिकीट देण्यात आलं. चंद्रकांत खैरे यांना तिकीट मिळाल्यानंतर दानवे नाराज असल्याच्या चर्चेला उधाण आलं होतं. मात्र दानवे यांनी आपली भूमिका स्पष्ट करताना मी नाराज नसल्याचं सांगितलं. तसेच त्यांनी त्यानंतर चंद्रकांत खैरे यांच्या निवासस्थानी जावून त्यांची भेट देखील घेतली. त्यामुळे या सर्व चर्चांना पूर्णविराम मिळाला होता. मी कायम उद्धव ठाकरे यांच्यासोबतच राहणार असल्याचं दानवे यांनी तेव्हा म्हटलं होतं. दरम्यान त्यानंतर आता दानवे यांची नेतेपदी नियुक्ती करण्यात आली आहे.