Elphinstone Bridge: 125 वर्षे जुन्या पुलाबाबत मोठी अपडेट, मुंबईकरांना आणखी थोडे दिवस मिळणार वाहतुकीची संधी
- Published by:Vrushali Kedar
- local18
Last Updated:
Elphinstone Bridge: पश्चिम आणि मध्य रेल्वे लाईनवर असलेला एल्फिन्स्टन पूल 125 वर्षे जूना आहे.
मुंबई : प्रभादेवी रेल्वे स्टेशनवरील एल्फिन्स्टन पूल (प्रभादेवी पूल) गणेशोत्सवानंतर पाडला जाणार असल्याची चर्चा होती. 10 सप्टेंबरपासून हा पूल वाहतुकीसाठी बंद केला जाण्याची देखील चर्चा होती. आता या पूलाबाबत एक महत्त्वाची अपडेट समोर आली आहे. मुंबई वाहतूक पोलीस किंवा मुंबई महानगर प्रदेश विकास प्राधिकरणाकडून (एमएमआरडीए) हा पूल पाडण्याबाबत कोणताही अंतिम घेण्यात आला नाही. त्यामुळे 10 सप्टेंबरला पूल वाहतुकीसाठी बंद होण्याची शक्यता नाही.
याबाबत मिळालेल्या माहितीनुसार, अटल सेतू थेट वांद्रे-वरळी सी-लिंकला जोडण्यासाठी महत्त्वपूर्ण असलेल्या वरळी-शिवडी एलिव्हेटेड मार्गासाठी एल्फिन्स्टन पूल पाडावा लागणार आहे. पश्चिम आणि मध्य रेल्वे लाईनवर असलेला एल्फिन्स्टन पूल 125 वर्षे जूना आहे. हा ब्रिटिशकालीन पूल पाडल्यास दादर पश्चिमेकडील एन. सी. केळकर मार्ग, एस. के. बोले मार्ग, भवानी शंकर रोड, गोखले रोड, रानडे रोड, तसेच दादर पूर्वेकडील डॉ. बाबासाहेब आंबेडकर रस्त्यांवरील वाहतुकीवर ताण येणार आहे.
advertisement
यापूर्वी पुलाच्या पाडकामासाठी एप्रिलमध्ये पूल बंद करण्याचा निर्णय वाहतूक विभागाने घेतला होता. मात्र, नागरिकांच्या विरोधामुळे याला स्थगिती मिळाली होती. 'अटल सेतू'वरून आलेल्या वाहनांना विनाअडथळा थेट वरळी आणि तेथून पुढे दक्षिण मुंबई, तसेच वांद्र्याला जाता यावं यासाठी 'एमएमआरडीए'कडून 4.5 किलोमीटर लांबीचा एलिव्हेटेड मार्ग उभारला जाणार आहे. सध्याच्या पुलाच्या जागी स्थानिक वाहतुकीसाठी पुलाची उभारणी करून, त्यावरून वरळी - शिवडी मार्ग जाणार आहे.
advertisement
या प्रकल्पात आधी 19 इमारती बाधित होत होत्या. मात्र, एमएमआरडीएने या पुलाचा आराखडा बदलल्यानंतर 2 इमारती बाधित होत आहेत. या प्रकल्पामुळे इतर इमारतींनाही धोका निर्माण होण्याची भीती व्यक्त नागरिकांनी व्यक्त केली असून त्यांच्याही पुनर्विकासाची मागणी केली. मात्र, याबाबत अद्याप काहीही निर्णय झालेला नाही.
Location :
Mumbai,Maharashtra
First Published :
September 09, 2025 9:47 AM IST
मराठी बातम्या/महाराष्ट्र/
Elphinstone Bridge: 125 वर्षे जुन्या पुलाबाबत मोठी अपडेट, मुंबईकरांना आणखी थोडे दिवस मिळणार वाहतुकीची संधी
