पतीच्या निधनानंतरही जिद्दीने मिळवले सैन्यात लेफ्टनंटपद, कोल्हापूरची लेक ठरली महाराष्ट्राची शान

प्रियांका यांचे पती निलेश खोत, भारतीय सैन्याच्या सिग्नल्स कॉर्प्समध्ये कार्यरत होते. 2021 मध्ये निलेश यांनी वडिलांना गमावले, आणि त्याच्या अवघ्या दीड महिन्यानंतर, 2022 साली हृदयविकाराच्या तीव्र झटक्याने त्यांचे अकाली निधन झाले. या दुहेरी आघाताने खोत कुटुंबावर दुःखाचा डोंगर कोसळला. मात्र, या कठीण काळात खचून न जाता प्रियांका यांनी पतीचे सैन्यातील स्वप्न पूर्ण करण्याचा निर्णय घेतला. त्यांनी सैन्यात दाखल होण्याचा ध्यास घेतला आणि अथक प्रयत्नांनी आपले ध्येय साध्य केले.