BJP: लेकानं विजयाचा गुलाल उधळला अन् दोन दिवसानंतर वडिलांनी घेतला अखेरचा श्वास, मुंबईतील भाजप नेत्याचं निधन

मुंबई: मुंबई भाजपचा एक अभ्यासू चेहरा, आक्रमक नेतृत्व आणि कुलाबा-मुंबादेवी परिसराचे सलग २५ वर्षे प्रतिनिधित्व करणारे माजी कॅबिनेट मंत्री राज पुरोहित यांचे आज पहाटे निधन झाले. ७० वर्षीय पुरोहित यांनी मुंबईतील बॉम्बे हॉस्पिटलमध्ये अखेरचा श्वास घेतला. त्यांच्या निधनाने महाराष्ट्राच्या राजकीय पटलावरील एक अनुभवी आणि निष्ठावान नेतृत्व हरपल्याची भावना व्यक्त होत आहे. भाजपचे नगरसेवक आकाश पुरोहित हे त्यांचे पुत्र आहेत. दोनच दिवसांपूर्वी त्यांचा महापालिका निवडणुकीत विजय मिळवला होता.