धक्कादायक! बॅडमिंटन खेळताना खाली कोसळले; भंडाऱ्यात माजी पोलिस अधिकाऱ्याचा जागेवर मृत्यू

भंडारा : माणसाचं जीवन धकाधकीचं बनलं असून वेळेअभावी माणूस शरिराकडे, प्रकृतीकडे लक्ष देत नसल्याची ओरड सातत्याने ऐकायला मिळते. मात्र, काहीजण आपल्या तब्येतीकडे अधिक काळजीपूर्वक लक्षही देत असतात. त्यानुसार, दैनंदिन व्यायामासाठी किंवा योगासनाद्वारे आपले शरीर तंदूरुस्त ठेवण्याचा प्रयत्न करतात. मात्र, यापूर्वीही काहीवेळा जिममध्ये ट्रेनर किंवा जिममध्ये व्यायाम करताना ह्रदयविकाराचा झटका येऊन मृत्युमुखी पडल्याच्या घटना घडल्या आहेत. दरम्यान अशीच एक घटना भंडाऱ्यात घडली आहे. बॅडमिंटन खेळताना ह्रदयविकाराचा झटक्याने एका माजी पोलिस अधिकाऱ्याचा मृत्यू झाला आहे.