6 राज्यांमध्ये हैदोस, 3 कोटींचं बक्षीस असलेला जहाल माओवादी ठार, सुरक्षा दलाची मोठी कारवाई

रवी माओवाद्यांच्या आंध्रा-ओरिसा बॉर्डर समितीचा सचिव तसंच आंध्र प्रदेश स्पेशल झोनल समितीचा सदस्य म्हणूनही कार्यरत होता. तीन राज्यांच्या सीमावर्ती भागांमध्ये त्याचा मोठा प्रभाव होता. त्याच्या मृत्यूनंतर माओवादी संघटनेचे मोठे नुकसान झाल्याचं मानलं जात आहे. या चकमकीत ठार झालेली दुसरी महत्त्वाची माओवादी महिला आहे. या महिलेचं नाव अरुणा आहे. ती माओवाद्यांच्या केंद्रीय समिती सदस्याची पत्नी होती. तसेच, ती वरिष्ठ माओवादी नेता चेरकुरी राजकुमार ऊर्फ आझादची बहीण होती. तिच्यावरही 50 लाख रुपयांचे बक्षीस ठेवण्यात आलं होतं.