गणेश नाईकांचा ठाण्यात पुन्हा 'दरबार', शिंदेंच्या बालेकिल्ल्यात भाजपची आक्रमक रणनीती

ठाणे : ठाणे जिल्ह्यातून एकमेव आमदार गणेश नाईक यांनाच भाजपने मंत्रिपदावर संधी दिल्यानंतर आता त्यांच्यावर एकनाथ शिंदे यांचे प्रभावक्षेत्र असलेल्या ठाण्यात भाजपचा गड अधिक बळकट करण्याची जबाबदारी देण्यात आली आहे. ठाणे जिल्ह्यात पक्षाच्या वाढीसाठी सातत्याने जनता दरबार घ्यावेत, अशा सूचना गणेश नाईक यांना भाजप नेतृत्वाकडून मिळाल्याचे सांगण्यात येते. गणेश नाईक यांचे ठाण्यातील जनता दरबार हे एकनाथ शिंदे यांची कोंडी करण्यासाठीच असल्याची चर्चा राजकीय वर्तुळात आहे.