भरत कराड यांच्या कुटुंबाला 25 लाख आणि सरकारी नोकरी द्या, धनंजय मुंडेंची मुख्यमंत्र्याकडे मागणी

बीड: गेल्या काही दिवसांपासून मराठा आरक्षणाचा मुद्दा चांगलाच पेटला आहे. मराठा समाजाचे नेते मनोज जरांगे पाटील यांच्या आंदोलनानंतर सरकारने हैदराबाद गॅझेट लागू करत मराठ्यांना कुणबी प्रमाणपत्र देण्याची मागणी मान्य केली आहे. आता मराठा समाजाला ओबीसीमधून आरक्षण देण्याच्या सुरू असलेल्या मागणीमुळे ओबीसी आरक्षण संपुष्टात येईल अशी भीती ओबीसी समाजाला वाटत आहे. याच भीतीमुळे एका 35 वर्षीय तरुणाने आत्महत्या केल्याचे समोर आले, भरत महादेव कराड (३५) असे या तरुणाचे नाव आहे. दरम्यान भरत कराड यांच्या कुटुंबाला 25 लाख रुपये मदत आणि सरकारी नोकरी द्या, अशी मागणी धनंजय मुंडे यांनी मुख्यमंत्री देवेंद्र फडणवीसांकडे केली आहे.