सतांपजनक! शिक्षकानं आधी विद्यार्थिनीला अश्लील व्हिडीओ दाखवला अन् मग..; गोंदिया हादरलं

गोंदिया, रवी सपाटे, प्रतिनिधी : गोंदियामधून एक धक्कादायक घटना समोर आली आहे, या घटनेनं जिल्ह्यात खळबळ उडाली आहे. जिल्हा परिषद कनिष्ठ महाविद्यालयातील शिक्षकानेच विद्यार्थिनीशी गैरवर्तन केल्याचा प्रकार समोर आला आहे. आरोपीने विद्यार्थिनीच्या घरी जाऊन तिला अश्लील व्हिडीओ क्लिप दाखवून लज्जास्पद कृत्य केलं. दरम्यान हा धक्कादायक प्रकार समोर येताच आरोपीविरोधात तिरोडा पोलीस स्टेशनमध्ये विनयभंग, बाल लैंगिक अत्याचार प्रतिबंध अधिनियम व अनुसूचित जाती जमाती अत्याचार प्रतिबंधक कायद्यानुसार गुन्हा दाखल करण्यात आला आहे. दुसरीकडे घटनेची माहिती मिळताच जिल्हा परिषदेच्या मुख्य कार्यकारी अधिकाऱ्यांकडून या शिक्षकाचं निलंबन देखील करण्यात आलं आहे.